BCCI Secretary Devajit Saikia Rejects Rohit Sharma ODI Retirement Rumors IND vs ENG Lords ODI : भारतीय क्रिकेट संघाचा माजी कर्णधार आणि स्टार सलामीवीर रोहित शर्मा च्या एकदिवसीय क्रिकेटमधील निवृत्तीच्या चर्चांना अखेर पूर्णविराम मिळाला आहे. गेल्या काही दिवसांपासून क्रिकेट जगतात सुरू असलेल्या तर्कवितर्कांना आणि अफवांना बीसीसीआयने अधिकृतपणे फेटाळून लावले आहे. रविवारी १९ जुलै रोजी लॉर्ड्सच्या ऐतिहासिक मैदानावर इंग्लंडविरुद्ध होणारा मालिकेतील निर्णायक सामना हा रोहित शर्माच्या कारकिर्दीतील शेवटचा सामना नसेल, असे बीसीसीआयचे सचिव देवजीत सैकिया यांनी स्पष्ट केले आहे.   (BCCI Saikia Statement)

नेमके काय म्हणाले बीसीसीआय सचिव सैकिया?   (BCCI Saikia Statement)

माध्यमांशी बोलताना देवजीत सैकिया यांनी रोहितच्या निवृत्तीचे वृत्त पूर्णपणे फेटाळून लावले. ३९ वर्षांचा रोहित शर्मा या सामन्यानंतर वनडे क्रिकेटला अलविदा करणार असल्याचा दावा अनेक प्रसारमाध्यमांनी केला होता. त्यावर सैकिया म्हणाले, “मी पूर्ण विश्वासाने सांगतो की, रोहित शर्मा रविवारी लॉर्ड्सवर त्याचा शेवटचा सामना खेळणार, अशी कोणतीही चर्चा झालेली नाही. रोहित हा भारतीय वनडे संघाचा नियमित सदस्य आहे. जोपर्यंत निवड समिती आणि व्यवस्थापनाच्या नियोजनात त्याचा समावेश असेल, तोपर्यंत तो देशाचे प्रतिनिधित्व करत राहील. सोप्या शब्दात सांगायचे तर, लॉर्ड्सवरील सामना हा त्याचा शेवटचा सामना नाही.”

Here’s a MAJOR UPDATE on Rohit Sharma from BCCI Secretary Devajit Saikia 🚨 pic.twitter.com/8HY36qfllP

— Cricbuzz (@cricbuzz) July 17, 2026

चर्चांना उधाण का आले होते? आणि २०२७ चा सस्पेन्स!   (BCCI Saikia Statement)

२०२७ मध्ये होणाऱ्या आयसीसी एकदिवसीय विश्वचषक स्पर्धेच्या पार्श्वभूमीवर, मुख्य प्रशिक्षक गौतम गंभीर आणि निवड समिती भविष्यातील संघ उभारणीसाठी तरुणांना, विशेषतः यशस्वी जैस्वालला संधी देण्याचा विचार करत असल्याच्या बातम्या आल्या होत्या. तसेच इंग्लंडविरुद्धच्या चालू मालिकेतील पहिल्या दोन्ही सामन्यांत रोहितला मोठी धावसंख्या उभारता आली नव्हती. बीसीसीआय सचिवांनी रोहितच्या तात्कालिक निवृत्तीच्या बातम्या चुकीच्या असल्याचे स्पष्ट केले असले, तरी २०२७ च्या वर्ल्डकपबाबत ठोस आश्वासन देणे टाळले. आगामी काळात रोहितच्या फॉर्म आणि फिटनेसवरच त्याचे संघातील स्थान अवलंबून असेल, असे संकेत मिळाले आहेत.

हेही वाचा – Gary Sobers Passes : क्रिकेट विश्वावर शोककळा! इतिहासातील सर्वात महान ऑलराउंडर सर गॅरी सोबर्स यांचे वयाच्या ८९ व्या वर्षी निधन

३०० वनडे सामन्यांचा ऐतिहासिक टप्पा जवळ!   (BCCI Saikia Statement)

BCCI rubbishes speculation about Rohit Sharma, says he will continue to play after Lords ODI.

BCCI Secretary Devajit Saikia-

“I want to firmly assert that there has been no such discussion that Rohit will be playing his last match at Lord’s on Sunday.” pic.twitter.com/0GZmjfosGW

— News Arena India (@NewsArenaIndia) July 17, 2026

एकदिवसीय क्रिकेटच्या इतिहासात ३०० सामने खेळणारा आठवा भारतीय खेळाडू बनण्यापासून रोहित आता अवघे १३ सामने दूर आहे. हा ऐतिहासिक टप्पा गाठण्यापूर्वीच तो निवृत्ती घेणार नाही, यावर आता शिक्कामोर्तब झाले आहे. सध्या भारत आणि इंग्लंड यांच्यातील वनडे मालिका १-१ अशा बरोबरीवर असून, रविवारी लॉर्ड्सवर रोहित टीकाकारांना बॅटने चोख उत्तर देईल, अशी चाहत्यांना आशा आहे.  (BCCI Saikia Statement)