Gujarat Titans : गुजरात टायटन्सचा IPL 2025 पूर्वी मोठा निर्णय, पार्थिव पटेलला दिली मोठी जबाबदारी…
IPL 2025 (Parthiv Patel) : आयपीएल 2025 च्या मेगा लिलावापूर्वी गुजरात टायटन्सने एक महत्त्वाचा निर्णय घेतला आहे. संघाने पार्थिव पटेलची सहायक आणि फलंदाजी प्रशिक्षक म्हणून नियुक्ती केली आहे. पार्थिवची क्रिकेट कारकीर्द चमकदार राहिली आहे. तो अनुभवी खेळाडू आहे. आता तो प्रशिक्षकाच्या भूमिकेत दिसणार आहे.
पार्थिवला कोचिंगचाही चांगला अनुभव आहे. त्यानं अनेक संघांसोबत काम केले आहे. पार्थिवने मुंबई इंडियन्स आणि रॉयल चॅलेंजर्स बंगलोरसोबत काम केले आहे. गुजरातने नुकतीच कायम ठेवलेल्या खेळाडूची यादी जाहीर केली होती. शुभमन गिलसह पाच खेळाडूंना त्यांनी कायम ठेवले होते. आता गुजरात लिलावात जाण्यापूर्वी पार्थिवचा अनुभव नक्कीच वापरेल.
गुजरात टायटन्सने अधिकृत निवेदनात म्हटले आहे की, “माजी भारतीय यष्टीरक्षक फलंदाज पार्थिव पटेल, ज्याची 17 वर्षांची क्रिकेट कारकीर्द आहे. त्याच्याकडून आमच्या संघाला अनुभवासोबत ज्ञानही मिळेल.”
Aapdo Gujju chhokro Parthiv Patel joins Gujarat Titans as Assistant Coach! 🏏📷 #AavaDe | @parthiv9 pic.twitter.com/gyawH39Dve
— Gujarat Titans (@gujarat_titans) November 13, 2024
पार्थिवने मुंबई इंडियन्ससोबत काम केले आहे. तो मुंबई एमिरेट्सचे फलंदाजी प्रशिक्षकही होता. पार्थिव पटेल आयपीएलमध्ये रॉयल चॅलेंजर्स बंगळुरूचा भाग होता. त्याने आयपीएलमध्ये 139 सामने खेळले आहेत. पार्थिवने या कालावधीत 2848 धावा केल्या आहेत. त्याने 13 अर्धशतके केली आहेत. पार्थिवची आयपीएलमधील सर्वोत्तम धावसंख्या 81 धावा आहे.
पार्थिव पटेलने टीम इंडियासाठी 38 वनडे सामने खेळले आहेत. या कालावधीत त्याने 736 धावा केल्या आहेत. पार्थिवने एकदिवसीय क्रिकेटमध्ये भारतासाठी 4 अर्धशतके झळकावली आहेत. त्याने 25 कसोटी सामन्यात 934 धावा केल्या आहेत. पार्थिवने कसोटीत 6 अर्धशतके झळकावली आहेत. जर आपण T20 आंतरराष्ट्रीय सामन्यांबद्दल बोललो तर त्याने फक्त दोन सामने खेळले आहेत.
