Ajit Agarkar Tenure Ending BCCI Secretary Devajit Saikia Update Parthiv Patel In Race : भारतीय पुरुष क्रिकेट संघाचे मुख्य निवडकर्ते अजित आगरकर (Ajit Agarkar) यांच्या भविष्याबाबत सध्या क्रिकेट वर्तुळात जोरदार चर्चा रंगली आहे. आगरकर यांचा कार्यकाळ ४ ऑक्टोबर रोजी संपुष्टात येत असून, त्यांनी नुकतीच नवी दिल्लीत आपल्या कार्यकाळातील अखेरच्या निवड समिती बैठकीत सहभाग घेतला होता. या पार्श्वभूमीवर बीसीसीआय नवीन मुख्य निवडकर्त्याच्या शोधात असल्याच्या वृत्ताला वेग आला आहे. दरम्यान, बीसीसीआयच्या ९५व्या वार्षिक सर्वसाधारण सभेनंतर (AGM) बोर्डाचे सचिव देवजीत सैकिया यांनी आगरकर यांच्या भविष्याबाबत महत्त्वाचे आणि मोठे अपडेट दिले आहे.

‘अजून १५ दिवस बाकी आहेत’; बीसीसीआय सचिवांचे सावध वक्तव्य!

मुंबईतील मुख्यालयात पत्रकारांशी बोलताना देवजीत सैकिया म्हणाले, “आगरकर यांच्या कार्यकाळाला अजून १५ दिवस शिल्लक आहेत. क्रिकेटच्या जगतात १५ दिवसांचा कालावधी खूप मोठा असतो. योग्य वेळी यावर अंतिम निर्णय घेतला जाईल आणि त्याची अधिकृत माहिती दिली जाईल. आजच्या एजीएममध्ये कोणत्याही विशिष्ट व्यक्तीबाबत वैयक्तिक चर्चा झाली नाही.” २०२३ मध्ये मुख्य निवडकर्तेपदी नियुक्ती झालेले आगरकर गेल्या तीन वर्षांहून अधिक काळ या पदावर कार्यरत आहेत.

२०२७ च्या विश्वचषकाचे नियोजन अन् वाद; आगरकरांचे स्थान धोक्यात!

We still have 15 days. We will take a call on the chief selector by then,’ BCCI secretary Devajit Saikia said after the AGM. He also spoke about the NSG Act and promotion and relegation for domestic umpires.@shamik100 @IDFCFIRSTBank pic.twitter.com/SJTswNyPRO

— RevSportz Global (@RevSportzGlobal) September 18, 2026

२०२७ च्या एकदिवसीय विश्वचषकाच्या पार्श्वभूमीवर खेळाडूंचा फिटनेस आणि सामन्यांचे व्यस्त वेळापत्रक यावरून आगरकर आणि बीसीसीआय यांच्यात मतभेद असल्याच्या बातम्या सातत्याने समोर येत होत्या. विशेषतः इंग्लंड दौऱ्याच्या आढावा बैठकीला आगरकर यांची अनुपस्थिती या चर्चांना अधिक हवा देणारी ठरली. बीसीसीआय उपाध्यक्ष राजीव शुक्ला यांनीही स्पष्ट केले की, वरिष्ठ आणि कनिष्ठ निवड समित्यांबाबत सर्व अधिकार राखून ठेवण्यात आले असून, याबाबतचा अंतिम निर्णय नंतर घेतला जाईल.

हेही वाचा – BCCI AGM Decisions : बीसीसीआयच्या ९५व्या वार्षिक सभेत ऐतिहासिक निर्णयांचा पाऊस! IPL ते पंचापर्यंत घेण्यात आले ‘हे’ महत्त्वाचे निर्णय

पार्थिव पटेल शर्यतीत आघाडीवर; लवकरच जाहिरात प्रसिद्ध होणार!

आगरकर यांचा कार्यकाळ न वाढवल्यास बीसीसीआय नियमानुसार वृत्तपत्रांत सार्वजनिक जाहिरात प्रसिद्ध करून नवीन अर्ज मागवेल. मिळालेल्या माहितीनुसार, भारताचा माजी यष्टीरक्षक फलंदाज पार्थिव पटेल मुख्य निवडकर्तेपदाच्या शर्यतीत आघाडीवर असल्याचे मानले जात आहे. पटेल सध्या आयपीएलमध्ये गुजरात टायटन्सचे सहाय्यक प्रशिक्षक म्हणून कार्यरत आहेत.