Parthiv Patel Decides Not to Apply for BCCI Chief Selector Pragyan Ojha Likely to Continue : बीसीसीआयच्या वरिष्ठ पुरुष निवड समितीमध्ये पश्चिम विभागाचे प्रतिनिधित्व करण्यासाठी आणि अजित आगरकर यांची जागा घेण्यासाठी भारताचा माजी यष्टीरक्षक पार्थिव पटेल याचे नाव आघाडीवर होते. मात्र, पार्थिवने या पदासाठी अर्ज न केल्याने सर्वांनाच आश्चर्याचा धक्का बसला आहे. १४ ऑक्टोबर रोजी सायंकाळी ५ वाजता अर्ज करण्याची मुदत संपली असून पार्थिव या प्रक्रियेपासून लांब राहिल्याचे स्पष्ट झाले आहे. यामुळे सध्याचे अंतरिम अध्यक्ष प्रज्ञान ओझा यांचा उर्वरित कार्यकाळासाठी पूर्णवेळ अध्यक्ष राहण्याचा मार्ग मोकळा झाला आहे.

पार्थिवची निवड प्रक्रियेतून माघार; आयपीएल व समालोचनावर भर –

बीसीसीआयच्या एका वरिष्ठ अधिकाऱ्याने दिलेल्या माहितीनुसार, अर्ज दाखल करण्याची मुदत संपल्यानंतरही पार्थिवने कागदपत्रे जमा केली नाहीत. बोर्डाने मुदत वाढवली किंवा पार्थिवने निर्णय बदलला तरच समीकरणांमध्ये बदल होऊ शकतो. मात्र, सध्याच्या घडीला पार्थिव पटेल भारतीय संघ निवड समितीमध्ये येण्याऐवजी गुजरात टायटन्सच्या कोचिंग स्टाफमधील जबाबदारी आणि समालोचनावर अधिक लक्ष केंद्रित करणार असल्याचे दिसून येत आहे.

प्रज्ञान ओझा यांची दावेदारी भक्कम; कसोटी सामन्यांचा मोठा अनुभव –

दक्षिण विभागाचे प्रतिनिधित्व करणारे प्रज्ञान ओझा हे आगरकर पायउतार झाल्यानंतर अंतरिम अध्यक्ष म्हणून काम पाहत आहेत. सध्याच्या निवड समिती सदस्यांमध्ये सर्वाधिक कसोटी सामने खेळण्याचा अनुभव ओझा यांच्या नावावर असल्याने नियमांनुसार त्यांचे पारडे अत्यंत जड मानले जात आहे. पार्थिवने अर्ज न केल्यामुळे ओझा यांच्याकडेच पूर्णवेळ अध्यक्षपदाची धुरा सोपवली जाण्याची दाट शक्यता निर्माण झाली आहे.

रमेश पोवार आणि समीर दिघे यांच्या नावाची चर्चा –

🚨 Parthiv Patel has not applied for the Chief Selector post.

Today is the de@dline unless BCCI extends it. (Kushan Sarkar)

Looks like Pragyan Ojha will be the new Chief Selector. 🙌 https://t.co/JiKVKmPTZ4

— Pratyush Halder (@pratyush_no7) October 14, 2026

पश्चिम विभागातून या जागेसाठी तगड्या उमेदवारांची संख्या कमी असली तरी भारताचा माजी फिरकीपटू रमेश पोवार यांचे नाव आता सीनियर सिलेक्टर पदासाठी चर्चेत आले आहे. पोवार यांच्यासोबतच माजी यष्टीरक्षक समीर दिघे यांच्या नावाचीही चर्चा सुरू आहे. यापूर्वी जेव्हा अर्ज मागवले होते, तेव्हा या दोघांनीही दावेदारी सादर केली होती. त्यामुळे पश्चिम विभागाचे प्रतिनिधी म्हणून या दोघांपैकी एकाला संधी मिळू शकते.

हेही वाचा – Natarajan SRH Trade : आयपीएल २०२७ च्या लिलावापूर्वी सर्वात मोठा ट्रेड; यॉर्कर किंगची हैदराबादमध्ये घरवापसी, दिल्लीसोबत खेळाडूची अदलाबदल

अजित आगरकर यांच्या निवृत्तीनंतरचे नवे समीकरण –

🔴 BIG UPDATE ON TEAM INDIA NEW SELECTOR 🤯

– A former Indian fast bowler from Mumbai is reportedly set to apply for the selector’s position.

– Parthiv Patel has reportedly not applied yet.

If Parthiv doesn’t apply, Pragyan Ojha could become India’s new selector. (Sahil Malhotra TOI)

— Sam (@cricsam02) October 14, 2026

मुख्य निवडकर्ता म्हणून अजित आगरकर यांचा कार्यकाळ ४ ऑक्टोबर रोजी संपला. कार्यकाळ वाढवून घेण्यास आगरकर यांनी स्पष्ट नकार दिल्यानंतर बीसीसीआय नव्या चेहऱ्याच्या शोधात होती. आगरकर यांच्यानंतर पार्थिव पटेलचे नाव सर्वात पुढे मानले जात होते. मात्र, आता पार्थिवच्या माघारीमुळे निवड समितीची कमान ओझा यांच्याकडेच राहण्याची शक्यता बळावली आहे.