GT vs MI Hardik Pandya and Shubman Gill’s Tension : आयपीएल २०२५ च्या एलिमिनेटर सामन्यात गुजरात टायटन्सला मुंबई इंडियन्सविरुद्ध दारुण पराभव पत्करावा लागला. त्यामुळे संघाचे दुसऱ्यांदा आयपीएल ट्रॉफी जिंकण्याचे स्वप्न आता फक्त स्वप्नच राहिले. या सामन्यात मुंबईने २० धावांनी विजय मिळवला. तथापि, चर्चेचा विषय होता हार्दिक पंड्या आणि शुबमन गिल यांच्यातील तणाव, ज्याचे फोटो आणि व्हिडीओ सोशल मीडियावर तुफान व्हायरल होत आहेत.

हार्दिक पंड्या आणि शुबमन गिलचं बिनसलं –

एलिमिनेटर सामन्यात हार्दिक पंड्या आणि शुबमन गिल यांच्यात असे दोन क्षण होते, दोघांना पाहिल्यावर असे वाटत होते की त्यांच्यात सर्व काही ठीक नाही. टॉस दरम्यान गिलने हार्दिकशी हस्तांदोलन केले नाही. त्याच वेळी, जेव्हा गिल एलबीडब्ल्यू आउट झाला तेव्हा पंड्याने खूप आक्रमकपणे आनंद साजरा केला. त्याने गिलकडे दुर्लक्ष केले. हा व्हिडिओ सोशल मीडियावर वेगाने व्हायरल होत आहे.

Is There any Inside Rivalry Going Between Hardik Pandya and Shubman Gill after Trading Hardik to MI by GT 🤔🤔🤔#RohitSharma #ViratKohli #KLRahul #IPL2025 #RCB #GTvsMI pic.twitter.com/cw6fMYWVsD

— Monish (@Monish09cric) May 30, 2025

शुबमनने हार्दिकशी हस्तांदोलन करणं टाळलं –

🚨 Toss 🚨@mipaltan won the toss and elected to bat first against @gujarat_titans

Updates ▶️ https://t.co/R4RTzjQfph #TATAIPL | #GTvMI | #Eliminator | #TheLastMile pic.twitter.com/E3G3NU0FXK

— IndianPremierLeague (@IPL) May 30, 2025

सर्वप्रथम, सामन्यात नाणेफेकीदरम्यान, हार्दिक गिलशी हस्तांदोलन करण्यासाठी पुढे गेला, तेव्हा गिलने हार्दिकच्या हाताकडे दुर्लक्ष केले आणि हस्तांदोलन न करता पुढे सरकला. असे वाटत होते की त्याने जाणूनबुजून हार्दिककडे दुर्लक्ष केले आहे. लोकांनी त्याची ही व्हिडिओ क्लिप व्हायरल केली आणि लिहिले की दोन्ही खेळाडूंमध्ये काहीतरी बिनसलं आहे. चाहत्यांनी याला “अहंकाराचा संघर्ष” किंवा “विवाद” म्हणायला सुरुवात केली.

हेही वाचा – ICC New Rules : १ जूनपासून बदलणार क्रिकेटचे ‘हे’ नियम; तिन्ही फॉरमॅटमध्ये पाहायला मिळणार नवा रोमांच!

शुबमन आऊट झाल्यानंतर हार्दिकचं आक्रमक सेलिब्रेशन –

So Today Some Lockdown Fans Silent Because not Virat #MIvsGT #Gill #HardikPandya pic.twitter.com/ImZF5cmH6A

— LOVE (@cricketlover168) May 30, 2025

यानंतर, जेव्हा गिल फलंदाजी करत होता, तेव्हा त्याची विकेट पडली, तेव्हा हार्दिकने आक्रमक आणि ज्या पद्धतीने सेलिब्रेशन केले ते पाहण्यासारखे होते. गिलसमोर हार्दिक जोमाने सेलिब्रेशन करताना दिसला. हार्दिकचा सेलिब्रेशन फक्त विकेट घेतल्याचा आनंद होता की त्यात गिलबद्दल काही नाराजी होती यावरही लोकांनी प्रश्न उपस्थित केले. या दोन कारणांमुळे, गिल आणि हार्दिकमध्ये खरोखरच सर्व काही ठीक आहे की नाही याबद्दल अटकळ बांधली जाऊ लागली आहे.