Shubman Gill Double Century : शुबमन गिलचा वर्ल्ड रेकॉर्ड! अवघ्या ‘इतक्या’ चेंडूंत सर्वात जलद द्विशतक झळकवणारा जगातील पहिलाच खेळाडू
Shubman Gill Double Century : शुबमन गिलने एकदिवसीय क्रिकेटमध्ये आपले दुसरे द्विशतक झळकावले असून, एकापेक्षा जास्त द्विशतके करणारा तो रोहित शर्मानंतरचा दुसरा फलंदाज ठरला आहे.
Shubman Gill Smashes Fastest Double Century Breaks Ishan Kishan Record IND vs WI 2nd ODI : वेस्ट इंडिजविरुद्धच्या दुसऱ्या एकदिवसीय सामन्यात भारतीय क्रिकेट संघाचा कर्णधार शुबमन गिलने (Shubman Gill) जागतिक क्रिकेटचे सर्व जुने विक्रम मोडीत काढत नवा इतिहास रचला आहे. गुवाहाटीच्या मैदानावर ४०६ धावांचा पाठलाग करताना गिलने अवघ्या ११७ चेंडूंत २०० धावांचा जादुई टप्पा गाठला. यासह तो एकदिवसीय क्रिकेटच्या संपूर्ण इतिहासात सर्वात वेगवान द्विशतक (Fastest Double Century) ठोकणारा जगातील पहिलाच फलंदाज ठरला आहे.
इशान किशनचा मोडला विश्वविक्रम; अवघ्या ११७ चेंडूंत ऐतिहासिक द्विशतक!
गिलने भारताचाच यष्टीरक्षक-फलंदाज इशान किशनचा १२६ चेंडूंतील द्विशतकाचा जागतिक विक्रम मागे टाकला. या ऐतिहासिक यादीत आता शुबमन गिल (११७ चेंडू) अव्वल स्थानी पोहोचला आहे. त्यांच्यानंतर इशान किशन (१२६ चेंडू, २०२२), ग्लेन मॅक्सवेल (१२८ चेंडू, २०२३), पथुम निसांका (१३६ चेंडू, २०२४) आणि ख्रिस गेल (१३८ चेंडू, २०१५) यांचा क्रमांक लागतो.
धावांचा पाठलाग करताना द्विशतक ठोकणारा पहिलाच भारतीय!
𝗠𝗔𝗝𝗘𝗦𝗧𝗜𝗖. 𝗠𝗔𝗥𝗩𝗘𝗟𝗢𝗨𝗦. 𝗠𝗔𝗚𝗡𝗜𝗙𝗜𝗖𝗘𝗡𝗧 🫡
Shubman Gill becomes just the 2️⃣nd Indian to score multiple ODI double hundreds 👏👏
Updates ▶️ https://t.co/6XCYRtZLAi#TeamIndia | #INDvWI | @mflone_ | @ShubmanGill pic.twitter.com/e6MCoUfNbV
— BCCI (@BCCI) September 30, 2026
एकदिवसीय क्रिकेटमध्ये धावांचा यशस्वी पाठलाग करताना (Run Chase) द्विशतक ठोकणारा गिल हा पहिलाच भारतीय फलंदाज बनला आहे. याआधी भारताने ठोकलेली सर्व द्विशतके प्रथम फलंदाजी करताना आली होती. जागतिक स्तरावर रनचेसमध्ये असा पराक्रम करणारा गिल हा ग्लेन मॅक्सवेलनंतर (२०१* विरुद्ध अफगाणिस्तान, २०२३) जगातील केवळ दुसराच फलंदाज ठरला आहे.
धोनी आणि विराट कोहलीचा ऐतिहासिक १८३ धावांचा विक्रम उद्ध्वस्त!
𝗗𝗢𝗨𝗕𝗟𝗘 𝗖𝗘𝗡𝗧𝗨𝗥𝗬 💯💯
Take a bow, skipper! 🙇♂️
Shubman Gill smashes the fastest ODI double hundred 🫡
Updates ▶️ https://t.co/6XCYRtZLAi#TeamIndia | #INDvWI | @mflone_ | @ShubmanGill pic.twitter.com/2gizUXMAnT
— BCCI (@BCCI) September 30, 2026
या वादळी खेळीदरम्यान गिलने एकदिवसीय क्रिकेटच्या रनचेसमध्ये भारतीय फलंदाजाने केलेली सर्वोच्च धावसंख्या स्वतःच्या नावावर केली. यापूर्वी हा विक्रम संयुक्तपणे महेंद्रसिंग धोनी (१८३ वि. श्रीलंका) आणि विराट कोहली (१८३ वि. पाकिस्तान)* यांच्या नावावर होता. गिलने या दोघांनाही मागे टाकत रनचेसमध्ये भारतासाठी ऐतिहासिक खेळी साकारली.
कारकिर्दीतील दुसरे द्विशतक; रोहितच्या विक्रमी एलिट क्लबमध्ये एन्ट्री!
📸💯
A sublime run of form continues for our Captain 🔝
Updates ▶️ https://t.co/6XCYRtZLAi#TeamIndia | #INDvWI | @mflone_ | @ShubmanGill pic.twitter.com/8CnSOdrQEV
— BCCI (@BCCI) September 30, 2026
गिलच्या एकदिवसीय कारकिर्दीतील हे दुसरे द्विशतक ठरले असून, यापूर्वी त्याने २०२३ मध्ये न्यूझीलंडविरुद्ध २०८ धावांची खेळी केली होती. यासह तो एकदिवसीय क्रिकेटमध्ये एकापेक्षा जास्त द्विशतके ठोकणारा रोहित शर्मानंतरचा (३ द्विशतके) जगातील केवळ दुसराच फलंदाज ठरला आहे.
