GT vs DC Mohammed Siraj most expensive bowler against Delhi Capitals : आयपीएल २०२५ मधील ३५ वा सामना अहमदाबाद येथे खेळला जात आहे. या सामन्यात दिल्ली कॅपिटल्सने प्रथम फलंदाजी करताना गुजरात टायटन्ससमोर २०४ धावांचे लक्ष्य ठेवले आहे. दिल्लीने डावाची सुरुवात पहिल्या षटकापासून दमदार करत गुजरातच्या गोलंदाजावर दडपण आणले. दरम्यान, राहुल आणि करुण नायर यांनी सिराजची धुलाई करताना त्याच्या षटकात धावांचा पाऊस पाडला.
राहुल-नायरने मोहम्मद सिराजची केली धुलाई –
दिल्लीच्या डावातील तिसरे षटक टाकण्यासाठी गुजरातचा वेगवान गोलंदाज मोहम्मद सिराज आला होता. यावेळी स्ट्राईकवर असलेल्या केएल राहुलला षटकाच्या पहिल्या चेंडूवर एकही धाव घेता आली नाही. यानंतर त्याने एक शानदार चौकार मारला. यानंतर, षटकाच्या पुढच्याच चेंडूवर, राहुलने लाँग ऑनवर एक मोठा षटकार मारला. त्यानंतर राहुलने चौथ्या चेंडूवर एक धाव घेतली. तर षटकाच्या पाचव्या चेंडूवर करुण नायरला एकही धाव करता आली नाही. पण त्याने षटकाचा शेवट षटकार मारून केला. अशाप्रकारे, दोघांनी मिळून सिराजच्या एका षटकात १७ धावा कुटल्या.
DSP Siraj Misses his 3rd Fifty of the season just by 3 runs😔👍!!!#IPL2025 pic.twitter.com/TOCVWnAQLz
— RISHABH 18 (@rishabh18v) April 19, 2025
सिराज ठरला सर्वात महागडा गोलंदाज –
SLOG MODE: ACTIVATED! 👊🏻#KLRahul clears the front leg and smashes #MohammedSiraj for a MAXIMUM over long on boundary! 💪🏻💙
Watch the LIVE action ➡ https://t.co/6YcPaJPTHV#IPLonJioStar 👉 #GTvDC | LIVE NOW on Star Sports 1, Star Sports 1 Hindi, Star Sports 2 & JioHotstar! pic.twitter.com/GkDvLb7BaT
— Star Sports (@StarSportsIndia) April 19, 2025
गुजरात टायटन्सविरुद्ध सेट झाल्यानंतर केएल राहुल आणि करुण नायर आऊट झाले. २०० च्या स्ट्राईक रेटने फलंदाजी करताना राहुलने १४ चेंडूत २८ धावा केल्या. त्याने त्याच्या डावात चार चौकार आणि एक षटकार मारला. तर करुण नायरने १८ चेंडूत दोन चौकार आणि दोन षटकारांच्या मदतीने ३१ धावा केल्या. दरम्यान या सामन्यात सिराज सर्वात महागडा गोलंदाज ठरला. त्याने चार षटकांत ४७ धावा देत एक विकेट्स घेतली
हेही वाचा – RCB vs PBKS : ‘तो IPL मधील सर्वोत्तम गोलंदाजांपैकी एक…’, श्रेयसकडून ‘या’ गोलंदाजाचे तोंडभरून कौतुक
सामन्याबद्दल बोलायचे, तर गुजरातने नाणेफेक जिंकून प्रथम गोलंदाजी करण्याचा निर्णय घेतला आणि दिल्लीने २० षटकांत ८ गडी गमावून २०३ धावा केल्या. दिल्लीने सामन्यासाठी जॅक फ्रेझर मॅकगर्कचा समावेश केला नाही आणि करुण नायर अभिषेक पोरेलसह डावाची सुरुवात करण्यासाठी आला. अभिषेकने संघाला चांगली सुरुवात दिली, पण अर्शद खानने पोरेलला आऊट केले. अभिषेक आऊट होण्यापूर्वी ९ चेंडूत १८ धावा काढून पॅव्हेलियनमध्ये परतला.
