KL Rahul Century : केएल राहुलचे शानदार शतक, पण ‘त्याच’ शापामुळे सलग तिसऱ्यांदा मोठ्या धावसंख्येला लागला ब्रेक!
KL Rahul Century : विशेष म्हणजे, कसोटी क्रिकेटच्या इतिहासात 'ठीक १०० धावांवर' बाद होण्याचा एक अजब आणि नकोसा रेकॉर्ड केएल राहुलच्या नावावर नोंदवला गेला आहे.
KL Rahul 12th Test Century IND vs AFG match : भारत आणि अफगाणिस्तान यांच्यातील एकमेव कसोटी सामना न्यू चंदीगडच्या मुल्लानपूर येथे खेळला जात आहे. या सामन्यात टीम इंडियाने नाणेफेक जिंकून प्रथम फलंदाजी करण्याचा निर्णय घेतला, जो उपकर्णधार केएल राहुलने आपल्या फलंदाजीने योग्य ठरवला. या सामन्यात केएल राहुलने अप्रतिम फलंदाजी करत शानदार शतक ठोकले. राहुलने १६४ चेंडूंचा सामना करत आपल्या कसोटी कारकिर्दीतील १२ वे शतक पूर्ण केले आणि भारताला मजबूत स्थितीत पोहोचवले. मात्र, शतक पूर्ण करताच त्याच्यासोबत एक अजब दुर्घटना घडली, ज्यामुळे चाहत्यांची मनं दुखावली.
शतक ठोकताच केएल राहुल आउट! ‘त्या’ अजब विक्रमाची बरोबरी (KL Rahul Century)
KL Rahul Century : केएल राहुलचे शानदार शतक, पण ‘त्याच’ शापामुळे सलग तिसऱ्यांदा मोठ्या धावसंख्येला लागला ब्रेक!
केएल राहुलने आपल्या शतकी खेळीत ११ चौकार मारले. तो सहसा विदेशी खेळपट्ट्यांवर चांगल्या तंत्रासाठी ओळखला जातो, पण या सामन्यात त्याने घरच्या मैदानावरही आपली ताकद दाखवून दिली. मात्र, शतक पूर्ण करताच तो लगेचच बाद झाला. विशेष म्हणजे, कसोटी क्रिकेटच्या इतिहासात ‘ठीक १०० धावांवर’ बाद होण्याचा एक अजब आणि नकोसा रेकॉर्ड केएल राहुलच्या नावावर नोंदवला गेला आहे. ( KL Rahul Century)
गेल्या १२ महिन्यांत राहुल ठीक १०० धावा करून बाद होण्याची ही सलग तिसरी वेळ आहे (KL Rahul Century)
1⃣0⃣0⃣ for KL Rahul! 👏 👏
His 12th 💯 in Test cricket! 👌 👌
A fine knock this is from the #TeamIndia vice-captain! 👍
Updates ▶️ https://t.co/Au50EfVM30#INDvAFG | @IDFCFIRSTBank pic.twitter.com/llHn2O8xIE
— BCCI (@BCCI) June 6, 2026
- विरुद्ध इंग्लंड: १०० धावा करून बाद
- विरुद्ध वेस्ट इंडिज: १०० धावा करून बाद
- विरुद्ध अफगाणिस्तान: १०० धावा करून बाद
Leadership suits him! 😎
Team India’s vice-captain, KL Rahul brings up his 12th Test century with a magnificent knock. 🇮🇳#INDvAFG | Only Test ➡️ DAY 1 | LIVE NOW 👉https://t.co/hURsU016bX pic.twitter.com/oAFbKC4ubB
— Star Sports (@StarSportsIndia) June 6, 2026
कसोटीत सर्वात जास्त वेळा ‘ठीक १००’ धावांवर बाद होणाऱ्या खेळाडूंमध्ये आता केएल राहुल जगातील दुसरा फलंदाज बनला आहे. इंग्लंडच्या लेन हटनच्या नावावर हा रेकॉर्ड सर्वाधिक ४ वेळा आहे, तर ऑस्ट्रेलियाच्या ग्रीम वूड आणि आता केएल राहुल यांच्या नावावर हा विक्रम प्रत्येकी ३ वेळा नोंदवला गेला आहे.
साई सुदर्शनचे हुकले पहिले कसोटी शतक –
या डावात केएल राहुलला युवा फलंदाज साई सुदर्शनची उत्तम साथ मिळाली. तिसऱ्या क्रमांकावर खेळायला आलेल्या सुदर्शनने ७०० आयपीएल धावांचा फॉर्म कायम ठेवत शानदार खेळ केला. राहुल आणि सुदर्शन यांच्यातील शतकी भागीदारीमुळे अफगाणिस्तानचे गोलंदाज पूर्णपणे बॅकफुटवर गेले होते. मात्र, साई सुदर्शनचे अवघ्या १९ धावांनी पहिले कसोटी शतक हुकले आणि तो ८१ धावा करून बाद झाला. त्याने १०४ चेंडूचा सामना करताना १३ चौकार लगावले.
