Gaurav Bhatia : आज जागतिक स्तरावर भारताची भूमिका अत्यंत महत्त्वाची झाली आहे. पंतप्रधान नरेंद्र मोदी यांच्या नेतृत्वाखाली संपूर्ण जग आपल्याकडे पाहत आहे. भारताची सर्वात मोठी ताकद ही लोकशाही सरकार, संविधानाप्रती आदर आणि गेल्या १२ वर्षांपासून राखलेली राजकीय स्थिरता यामध्ये आहे.

तरिही विरोधी पक्षाची मानसिकता अराजकतावादी असून ते घटनाबाह्य कारवायांमध्ये सामील आहेत. सध्या विरोधक केंद्रातील सरकार कसे पाडायचे, याच विचाराने ग्रस्त आहेत, असा आरोप भाजपचे राष्ट्रीय प्रवक्ते गौरव भाटिया (Gaurav Bhatia) यांनी मंगळवारी केला आहे.

राजधानीमध्ये एका पत्रकार परिषदेदरम्यान, भाटिया (Gaurav Bhatia) म्हणाले की, विरोधी पक्षाचे नेते राहुल गांधी सरकार पाडण्याबद्दल आणि राजवट बदलण्याबद्दल बोलतात. रस्त्यावर आंदोलने करुन सरकार पाडता येत नाही, ही गोष्ट राहुल गांधी विसरले आहेत,तासे वाटते. भाटिया यांनी एका मोठ्या आणि विश्वासार्ह माध्यम संस्थेने केलेल्या स्टिंग ऑपरेशनचाही उल्लेख केला.

ते म्हणाले (Gaurav Bhatia) की, या कारवाईत उघड झालेल्या तथ्यांवर विविध दूरचित्रवाणी वाहिन्यांवर सातत्याने चर्चा झाली. देशभरातील नागरिकांमध्येही या मुद्द्यांवर चर्चा झाली. राहुल गांधींच्या नेतृत्वाखाली काम करणाऱ्या या तथाकथित अराजकतावादी घटकांचे खरे मॉडेल काय आहे, हे आता स्पष्ट झाले आहे. भारत आणि भारतीयांना जर एखाद्या गोष्टीचा सर्वाधिक तिरस्कार वाटत असेल, तर ती म्हणजे अराजकता आणि हिंसक आंदोलने.