District Bank Elections : राज्यातील सहकार क्षेत्रातील महत्त्वाच्या सातारा, सांगली आणि अहिल्यानगर जिल्हा मध्यवर्ती सहकारी बँकांच्या निवडणुकीचा निकाल जाहीर झाला आहे. काही जागा आधीच बिनविरोध झाल्या होत्या. उर्वरित जागांसाठी झालेल्या निवडणुकीत अनेक दिग्गजांची प्रतिष्ठा पणाला लागली होती. साताऱ्यात भाजपने ९ जागा जिंकत आघाडी घेतली. राष्ट्रवादी काँग्रेसला ८, तर शिवसेनेला ४ जागा मिळाल्या.

सांगली जिल्हा बँकेच्या २१ जागांपैकी काँग्रेसला ६ आणि राष्ट्रवादी काँग्रेसच्या शरद पवार गटाला ५ जागा मिळाल्या. त्यामुळे या आघाडीचे ११ उमेदवार विजयी झाले असून, सत्ता स्थापनेसाठी आवश्यक बहुमताचा आकडा पूर्ण झाला. भाजपला ५, शिवसेना शिंदे गटाला ३, अजित पवार गटाला १ आणि अपक्षाला १ जागा मिळाली.

अहिल्यानगरमध्ये विखे-थोरात यांच्या सहकार विकास पॅनलने ७ जागा जिंकल्या. निलेश लंके-सदाशिव लोखंडे यांच्या सहकार परिवर्तन पॅनलचे निलेश लंके, राम शिंदे प्रणित ज्योती शिंदे आणि अपक्ष संजीवनी शिंदे विजयी झाले. या निकालामुळे तीनही जिल्ह्यांतील सहकार क्षेत्रातील आगामी राजकीय समीकरणांना वेग येण्याची शक्यता आहे.

सातारा जिल्हा बँक : विजयी उमेदवार

भाजप – ९: सर्जेराव सावंत, जयकुमार गोरे, ज्ञानदेव रांजणे, अतुल भोसले, सोमनाथ धुमाळ, अर्जुन काळे, रणजितसिंह नाईक निंबाळकर, नंदकुमार मोरे, चंद्रकांत जाधव.

राष्ट्रवादी काँग्रेस – ८: सत्यजित वीर, मकरंद पाटील, ऋतुजा पाटील वाठारकर, उदयसिंह पाटील उंडाळकर, रूपाली राजापुरे, अजय भोसले, योगेश फडतरे, सुनील माने.

शिवसेना – ४: शंभूराज देसाई, संजीवराजे नाईक निंबाळकर, मंगल पाटील, दीपक चव्हाण.

अहिल्यानगर जिल्हा बँक : प्रमुख विजयी उमेदवार

विखे-थोरात सहकार विकास पॅनल: प्राजक्त तनपुरे, आशुतोष काळे, अनुराधा नागवडे, संगीता वाघ, गणपत सांगळे, वैभव पिचड, कारभारी जावळे.

सहकार परिवर्तन पॅनल: निलेश लंके.
राम शिंदे प्रणित: ज्योती शिंदे.
अपक्ष: संजीवनी शिंदे.

सांगली जिल्हा बँक : विजयी उमेदवार

काँग्रेस – ६: विश्वजीत कदम, महेंद्र लाड, पूजा पाटील, वर्षा सावंत, अण्णासाहेब कोरे, कृष्णा कांबळे.

राष्ट्रवादी काँग्रेस शरद पवार गट – ५: देवराज पाटील, वैभव शिंदे, विराज नाईक, रणधीर नाईक, संभाजी कचरे.

भाजप – ५: गोपीचंद पडळकर, सतीश देशमुख, अपर्णा देशमुख, राहुल महाडिक, पृथ्वीराज पाटील.

शिवसेना शिंदे गट – ३: तानाजी पाटील, अमोल बाबर, नितीन होनराव.

राष्ट्रवादी काँग्रेस अजित पवार गट – १: अजितराव घोरपडे.
अपक्ष – १: संजयकाका पाटील.