Tukaram Mundhe : गणेशोत्सवाच्या काळात गणेश मंडळांकडून आयोजित करण्यात येणाऱ्या महाप्रसाद आणि भंडाऱ्यांवर अन्न व औषध प्रशासनाकडून (FDA) नवा नियम लागू करण्यात आला आहे का? याबाबत नागरिकांमध्ये चर्चा सुरू आहे. यावर FDA आयुक्त तुकाराम मुंढे यांनी पत्रकार परिषदेत भूमिका स्पष्ट केली. (Tukaram Mundhe)

महाप्रसादासाठी नवा नियम नाही

गणेशोत्सव, ईद किंवा इतर कोणताही सण यासाठी वेगळे नियम केलेले नाहीत. अन्नविषयक व्यवसायांसाठी यापूर्वीपासूनच असलेले नियम आणि मानकांचे पालन करणे आवश्यक आहे, असं तुकाराम मुंढे यांनी स्पष्ट केलं. (Tukaram Mundhe)

त्यांच्या म्हणण्यानुसार, खाद्यपदार्थ देणाऱ्या प्रत्येक व्यावसायिकाने आवश्यक परवाना आणि नोंदणी करून नियमांनुसार अन्नपदार्थ पुरवणे अपेक्षित आहे. नियमांचे उल्लंघन होत असल्यास कारवाई केली जाईल; मात्र ही कारवाई केवळ गणेशोत्सवामुळे नाही, तर नियमित नियामक प्रक्रियेचा भाग आहे. (Tukaram Mundhe)

FDAची 3,100 हून अधिक ठिकाणी तपासणी

FDAकडून 31 जुलैपर्यंत अन्न क्षेत्रातील 3,100 हून अधिक आस्थापनांची तपासणी करण्यात आली. यामध्ये, 165 आस्थापनांचे परवाने तात्काळ निलंबित, 750 हून अधिक आस्थापनांना सुधारणा नोटीस, निलंबित परवान्यांपैकी सुमारे 105 जणांनी अपील, अपील केलेल्या प्रकरणांपैकी सुमारे 70 आस्थापनांना दिलासा मिळाला आहे. (Tukaram Mundhe)

अधिकाऱ्यांकडून पुन्हा तपासणी आणि पडताळणी केली जाणार आहे. सुधारणा समाधानकारक आढळल्यास निलंबन मागे घेतले जाऊ शकते; तर नियमांचे पालन न झाल्यास कारवाई कायम ठेवली जाईल. (Tukaram Mundhe)

‘सार्वजनिक आरोग्याला धोका असेल तरच तात्काळ निलंबन’

सार्वजनिक आरोग्याला धोका निर्माण होण्याची शक्यता असल्यास परवाना तात्काळ निलंबित केला जात असल्याचेही मुंढे यांनी सांगितले. कारवाईनंतर अनेक रेस्टॉरंट्सनी स्वतःहून किचनची स्वच्छता, नूतनीकरण आणि इतर सुधारणा सुरू केल्याचे त्यांनी नमूद केले. (Tukaram Mundhe)

Tukaram Mundhe : “…पण मला तसे करायचं नाही”; तुकाराम मुंढेंचा अधिकारी-कर्मचाऱ्यांना सज्जड दम, थेट इशारा दिला..!

Tukaram Mundhe : तुकाराम मुंढेंची राजस्थानला बदली झाली? सोशल मीडियावरील पोस्टने खळबळ; मुंढेंनीच सांगितलं सत्य