Former PM Wife : देशाचे माजी पंतप्रधान एच. डी. देवेगौडा यांच्या पत्नी चेन्नम्मा देवेगौडा यांचे शनिवारी (18 जुलै) बेंगळुरूतील खासगी रुग्णालयात निधन झाले. त्या काही दिवसांपासून उपचार घेत होत्या. शनिवारी सायंकाळी आलेल्या तीव्र हृदयविकाराच्या झटक्यामुळे त्यांची प्राणज्योत मालवली. त्यांच्या निधनामुळे राजकीय वर्तुळात हळहळ व्यक्त होत आहे. (Former PM Wife)

मिळालेल्या माहितीनुसार, 16 जुलै रोजी श्वास घेण्यास त्रास आणि छातीत जडपणा जाणवल्याने त्यांना बेंगळुरूतील मणिपाल रुग्णालयात दाखल करण्यात आले होते. आयसीयूमध्ये उपचार सुरू असताना त्यांच्या प्रकृतीत काही प्रमाणात सुधारणा होत असल्याचे सांगितले जात होते. मात्र शनिवारी सायंकाळी अचानक हृदयविकाराचा तीव्र झटका आल्याने डॉक्टरांनी त्यांना मृत घोषित केले. (Former PM Wife)

चेन्नम्मा आणि एच. डी. देवेगौडा यांचा विवाह 1954 साली झाला होता. त्यांच्या पश्चात चार मुलगे आणि दोन मुली असा परिवार आहे. केंद्रीय मंत्री एच. डी. कुमारस्वामी आणि आमदार एच. डी. रेवन्ना हे त्यांचे पुत्र आहेत. (Former PM Wife)

फेब्रुवारी 2001 मध्ये कौटुंबिक वादातून झालेल्या अॅसिड हल्ल्यातून चेन्नम्मा थोडक्यात बचावल्या होत्या. या घटनेनंतरही त्यांनी सार्वजनिक जीवनापासून दूर राहणेच पसंत केले. (Former PM Wife)

राजकीयदृष्ट्या प्रभावशाली कुटुंबातील सदस्य असूनही चेन्नम्मा यांनी कायम प्रसिद्धीपासून अलिप्त राहून कुटुंबाची जबाबदारी सांभाळली. एच. डी. देवेगौडा यांनी अनेकदा त्यांच्या त्यागाची आणि पाठिंब्याची जाहीरपणे दखल घेतली होती. (Former PM Wife)

तर एच. डी. कुमारस्वामी यांनीही आपल्या राजकीय आणि वैयक्तिक आयुष्यात आईच्या संस्कारांचे मोठे योगदान असल्याचे अनेकदा सांगितले आहे. (Former PM Wife)

Political News : मोठी बातमी..! नगरसेवक, नेते नव्हे तर अख्खा पक्ष भाजपमध्ये विलीन; मुख्यमंत्र्यांच्या उपस्थितीत घोषणा, राजकारणात खळबळ