Political News : देशाची राजधानी दिल्लीत मोठी राजकीय घडामोड घडली आहे. नगरसेवक किंवा नेते नव्हे, तर इंद्रप्रस्थ विकास पार्टी (IVP) हा संपूर्ण पक्षच भारतीय जनता पक्षात विलीन झाला आहे. मुख्यमंत्री रेखा गुप्ता आणि भाजपचे प्रदेशाध्यक्ष हर्ष मल्होत्रा यांच्या उपस्थितीत पक्षविलिनीकरणाची घोषणा करण्यात आली. (Political News)

इंद्रप्रस्थ विकास पार्टीची स्थापना सुमारे १४ महिन्यांपूर्वी आम आदमी पक्षातून बाहेर पडलेल्या १६ नगरसेवकांनी केली होती. आता हे सर्व १६ नगरसेवक भाजपमध्ये दाखल झाल्याने दिल्ली महापालिकेतील भाजपची ताकद आणखी वाढली आहे. (Political News)

या विलिनीकरणानंतर दिल्ली महापालिकेतील भाजपच्या नगरसेवकांची संख्या १३९ वर पोहोचली आहे. महापालिकेतील एकूण २५० सदस्यांच्या तुलनेत भाजपला आता स्पष्ट बहुमत मिळाले आहे. यापूर्वी भाजपकडे १२३ नगरसेवक होते. (Political News)

२०२२ च्या महापालिका निवडणुकीत आम आदमी पक्षाने विजय मिळवत सत्ता स्थापन केली होती, तर भाजपचे १०४ नगरसेवक निवडून आले होते. मात्र विधानसभा निवडणुकीतील पराभवानंतर आम आदमी पक्षात मोठी गळती सुरू झाली. त्यातूनच १६ नगरसेवकांनी स्वतंत्र पक्ष स्थापन केला होता. (Political News)

आता पुढील महापालिका निवडणुकीच्या पार्श्वभूमीवर इंद्रप्रस्थ विकास पार्टीचा भाजपमध्ये विलय झाल्याने दिल्लीच्या राजकारणात नवी समीकरणे तयार झाली असून, भाजपचे महापालिकेतील वर्चस्व अधिक मजबूत झाल्याचे मानले जात आहे. (Political News)

Party joins the BJP : “भाजपमध्ये ‘हा’ पक्ष विलीन होणार” ; राजकारणात एकच खळबळ

BJP News : भाजपच्या ‘या’ ज्येष्ठ नेत्याचे निधन; राजकीय वर्तुळात शोककळा