Former Indian Cricketer Jacob Martin Acquitted In 22 Year Old Human Trafficking Forgery Case : भारताचा माजी आंतरराष्ट्रीय क्रिकेटपटू जेकब मार्टिन (Jacob Martin) याला तब्बल २२ वर्षांनंतर एका जुन्या फौजदारी खटल्यात दिल्लीच्या पटियाला हाऊस कोर्टाने (Patiala House Court) मोठा दिलासा दिला आहे. न्यायालयाने त्याच्यावरील फसवणूक, बनावट कागदपत्रे आणि गुन्हेगारी कट रचण्याचे सर्व आरोप फेटाळून लावत त्याची निर्दोष मुक्तता (Acquittal) केली आहे. मार्टिनविरुद्ध हे आरोप सिद्ध करण्यासाठी पुरेसे आणि विश्वासार्ह पुरावे उपलब्ध नसल्याचे न्यायालयाने आपल्या निकालपत्रात स्पष्ट केले.

नेमकं प्रकरण काय होतं? २००४ च्या इंग्लंड दौऱ्याशी संबंधित वाद –

या प्रकरणावर बोलताना ५४ वर्षीय जेकब मार्टिनने सांगितले की, २००४ मध्ये त्याच्या नेतृत्वाखाली एक क्लब संघ यूके (इंग्लंड) दौऱ्यावर गेला होता. ६ महिन्यांचा वैध व्हिसा असतानाही त्यातील एका खेळाडूने बेकायदेशीरपणे ब्रिटनमध्ये जास्त काळ वास्तव्य केले आणि तिथे बनावट स्टॅम्पिंग करून घेतले. तो खेळाडू जेव्हा भारतात परत आला, तेव्हा त्याला दिल्लीच्या इंदिरा गांधी आंतरराष्ट्रीय विमानतळावर ताब्यात घेण्यात आले. आंतरराष्ट्रीय खेळाडू असल्याने आणि प्रसिद्धीमुळे सुरुवातीच्या एफआयआरमध्ये नाव नसतानाही या प्रकरणात आपले नाव गोवण्यात आले, असा दावा मार्टिनने केला.

२२ वर्षे प्रचंड मानसिक त्रास; रेल्वेची नोकरीही गेली –

VIDEO | Vadodara, Gujarat: Former India international cricketer Jacob Martin has been acquitted of all charges in a 22-year-old criminal case by a Patiala House Court in New Delhi.

“An acquittal after 22 years is a huge turning point in my life. I did not receive any job from… pic.twitter.com/brdWPkn5rd

— Press Trust of India (@PTI_News) August 20, 2026

या प्रदीर्घ कायदेशीर लढाईदरम्यान मार्टिनला प्रचंड आर्थिक आणि मानसिक यातना सहन कराव्या लागल्या. “या २२ वर्षांत मला बीसीसीआयकडून (BCCI) कोणताही पाठिंबा किंवा प्रतिसाद मिळाला नाही. एवढेच नाही तर माझी हक्काची रेल्वेतील नोकरीही गेली होती. मी प्रचंड नैराश्यातून गेलो, मात्र आज न्यायालयाने क्लीन चिट दिल्याने मी सुटकेचा निश्वास सोडला आहे. हा निकाल माझ्या आयुष्याला नवसंजीवनी देणारा ठरला आहे,” अशा शब्दांत मार्टिनने आपल्या भावना व्यक्त केल्या.

हेही वाचा – US Open Prize : यूएस ओपनमध्ये पैशांचा पाऊस! बक्षीस रकमेत विक्रमी २० टक्क्यांची वाढ; विजेत्याला मिळणार तब्बल ‘इतके’ कोटी

भारतासाठी खेळले १० आंतरराष्ट्रीय वनडे सामने –

He played 10 ODIs for India. Then spent 22 years fighting a criminal case. Former India cricketer Jacob Martin has finally been acquitted by a Delhi court after a legal battle that began in 2004.

From 9,000+ first-class runs and a Ranji Trophy title to losing his railway job and… pic.twitter.com/5bY2WOGvj6

— Open Magazine (@Openthemag) August 21, 2026

जेकब मार्टिनने १९९९ ते २००१ दरम्यान भारतासाठी १० एकदिवसीय (ODI) सामन्यांमध्ये प्रतिनिधित्व केले होते. या दरम्यान त्याने ८ डावांत २२.५७ च्या सरासरीने १५८ धावा केल्या होत्या. देशांतर्गत क्रिकेटमध्ये त्याने बडोदा संघाचे दीर्घकाळ प्रतिनिधित्व केले असून, त्याच्या नेतृत्वात बडोद्याने रणजी करंडकही जिंकला होता. याव्यतिरिक्त तो रेल्वे आणि आसामच्या संघाकडूनही देशांतर्गत स्पर्धांमध्ये खेळला आहे.