Former England Test Captain MJK Smith Passes Away : क्रिकेट जगतातून एक अत्यंत दुःखाची आणि वेदनादायी बातमी समोर आली आहे. इंग्लंड क्रिकेट संघाचे माजी कसोटी कर्णधार माइक स्मिथ (MJK Smith) यांचे वयाच्या ९२ व्या वर्षी निधन झाले आहे. त्यांच्या निधनाची अधिकृत माहिती ‘वॉरविकशायर काउंटी क्रिकेट क्लब’ने १८ मे रोजी दिली. चष्मा घालून फलंदाजी करण्यासाठी प्रसिद्ध असलेले माइक स्मिथ क्रिकेट विश्वात ‘एमजेके’ (MJK) या नावाने प्रचंड लोकप्रिय होते. त्यांच्या निधनामुळे क्रीडा वर्तुळातून मोठी हळहळ व्यक्त केली जात आहे. क्रिकेट आणि रग्बी दोन्ही खेळणारे अष्टपैलू खेळाडू – माइक स्मिथ हे केवळ एक उत्कृष्ट क्रिकेटपटू नव्हते, तर त्यांनी रग्बी युनियनमध्येही आंतरराष्ट्रीय स्तरावर इंग्लंडचे प्रतिनिधित्व केले होते. त्यांनी १९५६ मध्ये वेल्सविरुद्ध इंग्लंडसाठी एक आंतरराष्ट्रीय रग्बी सामना खेळला होता. इंग्लंडसाठी ५० कसोटी सामने खेळणाऱ्या स्मिथ यांनी तब्बल २५ सामन्यांमध्ये संघाचे कर्णधारपद भूषवले होते. त्यांच्या कप्तानीखाली इंग्लंडने २५ पैकी ५ सामने जिंकले, १७ सामने अनिर्णित (ड्रॉ) राहिले आणि संघाला केवळ ३ सामन्यांत पराभवाचा सामना करावा लागला होता. भारताविरुद्ध ठोकले होते पहिले आंतरराष्ट्रीय शतक – Warwickshire County Cricket Club are saddened to learn of the passing of Bears’ legend MJK Smith at the age of 92. Once a Bear, Always a Bear. 🐻 #YouBears pic.twitter.com/Dk1tej1y7l — Bears (@WarwickshireCCC) May 18, 2026 स्मिथ यांनी १९५८ मध्ये न्यूझीलंडविरुद्ध कसोटी पदार्पण केले, तर १९७२ मध्ये ऑस्ट्रेलियाविरुद्ध ते आपला शेवटची कसोटी खेळले. त्यांच्या नावावर प्रथम श्रेणी (First-Class) क्रिकेटमध्ये जवळपास ४०,००० धावा आणि ७२ शतके नोंदवलेली आहेत, ज्यातील ३ शतके त्यांनी कसोटी क्रिकेटमध्ये झळकावली होती. विशेष म्हणजे, त्यांनी १९५९ मध्ये भारताविरुद्ध ओल्ड ट्रॅफर्ड मैदानावर आपले पहिले आंतरराष्ट्रीय कसोटी शतक ठोकले होते. हेही वाचा – Indian Women’s Hockey: ऑस्ट्रेलिया दौऱ्यासाठी भारतीय महिला हॉकी संघाची घोषणा! सलीमा टेटेकडे सोपवली संघाची धुरा वॉरविकशायर काउंटी क्लबचा सुवर्णकाळ – क्रिकेटमधून निवृत्ती घेतल्यानंतरही माइक स्मिथ खेळाशी जोडलेले राहिले. सुरुवातीला त्यांनी आयसीसी मॅच रेफरी म्हणून काम पाहिले. त्यानंतर १९९१ ते २००३ या काळात त्यांनी वॉरविकशायर काउंटी क्लबचे अध्यक्षपद (चेअरमन) भूषवले. त्यांचा हा कार्यकाळ या क्लबचा ‘सुवर्णकाळ’ मानला जातो, कारण या काळात क्लबने सलग दोन काउंटी चॅम्पियनशिपसह एकूण ७ मोठी विजेतेपदे जिंकली होती. १८ मे रोजी वॉरविकशायर आणि ग्लॅमॉर्गन यांच्यातील सामन्यापूर्वी या महान खेळाडूला श्रद्धांजली वाहण्यासाठी १ मिनिटाचे मौन पाळण्यात आले.
