BJP Politics : कल्याण पश्चिमचे भाजपचे माजी आमदार नरेंद्र पवार यांच्याविरोधात लैंगिक अत्याचाराचा गुन्हा दाखल झाल्यानंतर त्यांनी भाजपमधील आपल्या सर्व पदांचा राजीनामा दिला आहे. यासंदर्भात त्यांनी भाजपचे प्रदेशाध्यक्ष रवींद्र चव्हाण यांना पत्र पाठवून राजीनामा स्वीकारण्याची विनंती केली आहे. या प्रकरणामुळे कल्याणच्या राजकीय वर्तुळात चर्चांना उधाण आले आहे. (BJP Politics)

कल्याण शहरातील २२ वर्षीय विवाहित महिलेने नरेंद्र पवार आणि बडतर्फ पोलीस कर्मचारी शैलेश पाटील यांच्याविरोधात लैंगिक अत्याचाराची तक्रार दिली होती. या तक्रारीच्या आधारे पडघा पोलिसांनी गुन्हा दाखल केला आहे. (BJP Politics)

पतीसोबतच्या वादातून प्रकरणाला सुरुवात?

तक्रारीनुसार, संबंधित महिलेचा पतीसोबत वाद सुरू होता. हा वाद मिटवण्यासाठी मध्यस्थी करण्याच्या उद्देशाने नरेंद्र पवार यांनी तिला आपल्या कार्यालयात बोलावले होते, असा आरोप तक्रारीत करण्यात आला आहे. (BJP Politics)

त्यानंतर १३ सप्टेंबर रोजी नरेंद्र पवार आणि शैलेश पाटील यांनी महिलेला भिवंडी तालुक्यातील बापगाव येथे नेले. तेथे शस्त्राचा धाक दाखवून दारू पाजली आणि लैंगिक अत्याचार केला, असा आरोप महिलेने केला आहे. या तक्रारीनंतर पोलिसांनी दोघांविरोधात गुन्हा दाखल केला असून, प्रकरणाचा तपास सुरू आहे. (BJP Politics)

गुन्हा दाखल झाल्यानंतर नरेंद्र पवारांचा राजीनामा

या प्रकरणाची नोंद झाल्यानंतर नरेंद्र पवार यांनी भाजपमधील आपल्या सर्व पदांचा राजीनामा देण्याचा निर्णय घेतला. पवार हे भटके-विमुक्त आघाडी, महाराष्ट्र प्रदेश अध्यक्ष या पदावरही कार्यरत होते. भाजप प्रदेशाध्यक्ष रवींद्र चव्हाण यांना पाठवलेल्या पत्रात त्यांनी आपला राजीनामा स्वीकारण्याची विनंती केली आहे. (BJP Politics)

‘माझ्याविरोधातील गुन्हा खोटा’; नरेंद्र पवारांचा दावा

दरम्यान, नरेंद्र पवार यांनी त्यांच्याविरोधात दाखल करण्यात आलेला गुन्हा खोटा असून आपली बदनामी करण्यासाठी षडयंत्र रचण्यात आल्याचा दावा केला आहे. या प्रकरणामुळे पक्षाची प्रतिमा मलीन होऊ नये, यासाठी आपण पक्षातील सर्व पदांचा राजीनामा देत असल्याचे त्यांनी पत्रात म्हटले आहे. (BJP Politics)

त्यामुळे एका बाजूला महिलेने केलेले गंभीर आरोप, तर दुसऱ्या बाजूला नरेंद्र पवार यांनी केलेला षडयंत्राचा दावा, यामुळे या प्रकरणाची पुढील पोलीस तपासात काय माहिती समोर येते, याकडे लक्ष लागले आहे. दरम्यान, गुन्हा दाखल झाल्यानंतर माजी आमदार नरेंद्र पवार यांनी घेतलेल्या राजीनाम्यामुळे कल्याणच्या राजकीय वर्तुळात चर्चांना उधाण आले आहे. (BJP Politics)

BJP Politics : चंद्रशेखर बावनकुळेंचं प्रमोशन! भाजपनं राष्ट्रीय पातळीवर दिली मोठी जबाबदारी

BJP Politics : भाजपचा मास्टरस्ट्रोक! पक्ष संघटनेत केले मोठे फेरबदल