FDA Raid : अन्न व औषध प्रशासन विभागाने (एफडीए) धुळ्यात एका लक्झरी बमधून वाहतूक करण्यात येत असलेला खवा जप्त करण्यात आला असून, याची किंमत 16 लाख 52 हजार एवढी आहे. प्रशासनाने धुळे तालुका पोलिसांच्या सहकार्याने कारवाई करत लक्झरी बसमधून वाहतूक करण्यात येत असलेला 5,385 किलो खवा जप्त केला. (FDA Raid)

भेसळीच्या संशयावरून हा साठा जप्त करून कोल्ड स्टोरेजमध्ये सुरक्षित ठेवण्यात आला आहे. आयुक्त तुकाराम मुंडे यांच्या आदेशानुसार जिल्ह्यात विविध वाहनांची तपासणी सुरू आहे. (FDA Raid)

त्यादरम्यान अहमदाबादहून अकोल्याकडे जाणाऱ्या लक्झरी बसमधून मिठाई निर्मितीसाठी लागणाऱ्या माव्याची वाहतूक होत असल्याची गुप्त माहिती प्रशासनाला मिळाली. मिळालेल्या माहितीनुसार अन्न व औषध प्रशासन आणि धुळे तालुका पोलिसांच्या पथकाने मोराणे हद्दीत, साक्री रोडवरील हॉटेल बालाजीजवळ सदर बस थांबवून तपासणी केली. (FDA Raid)

Pune News : गणेशोत्सवाच्या तोंडावर FDA चा दणका! पुण्यात ४ ट्रक पनीर-खवा जप्त

तपासणीदरम्यान बसमध्ये विविध कंपन्यांचा मोठ्या प्रमाणात मावा आढळून आला. त्यानंतर पुढील कारवाईसाठी हे वाहन टोल नाक्याजवळील दिसान कोल्ड स्टोरेज येथे आणण्यात आले. या ठिकाणी साठ्यातील विविध 13 प्रकारच्या अन्नपदार्थांचे नमुने विश्लेषणासाठी घेण्यात आले. (FDA Raid)

यामध्ये प्रीमियम हलवा (ब्रजनिधी), प्रीमियम हलवा (गणेशा), इंडियन स्वीट हलवा (नंदि), स्वीट हलवा (खोडलं), हलवा (श्री ग्वाल), हलवा (श्री गोकुळ), स्वीट हलवा (गोपाल), ट्रॅडिशनल स्वीट (श्री ग्वाल), ट्रॅडिशनल स्वीट (श्री गोकुळ), इंडियन स्वीट (श्री गोपाल), कृष्णा हलवा, इंडियन डेझल्ट (नंदि) आणि प्रीमियम डेझल्ट (मीरा) या उत्पादनांचा समावेश आहे. (FDA Raid)

धाडीनंतर सर्व नमुने प्रयोगशाळेत तपासणीसाठी पाठविण्यात आले असून, अहवाल प्राप्त झाल्यानंतर पुढील कायदेशीर कारवाई करण्यात येणार आहे, अशी माहिती प्रशासनाकडून दिली. (FDA Raid)

FDA Action : पुण्यात एफडीएची मोठी कारवाई; 1.13 कोटींचा गुटख्याचा साठा जप्त, 6 तास सुरू होता थरारक पाठलाग