Vishakha Raut : ठाकरेसेनेच्या माजी नगरसेविका विशाखा राऊत यांचे बोगस जात प्रमाणपात्राच्या पार्श्वभूमीवर, नगरसेवक पद रद्द केले आहे. याप्रकरणी, विशाखा राऊत यांनी मुंबई उच्च न्यायालयात धाव घेतली. मात्र, उच्च न्यायालयाने जात पडताळणी समितीचा आदेश व अपात्रता कायम ठेवली होती. (Vishakha Raut)

त्यानंतर, याप्रकरणी सर्वोच्च न्यायालयात दाद मागण्यात आली. मात्र, विशाखा राऊत यांना सर्वोच्च न्यायालयाकडूनही धक्का देण्यात आला. उच्च न्यायालयाचा निर्णय, जात पडताळणी समितीचा आदेश व अपात्रता सर्वोच्च न्यायालयानेही कायम ठेवल्याने त्यांचे पद रद्द झाल्याबाबत सर्वोच्च शिक्कामोर्तब झाले. मात्र, रिक्त जागेवरील नगरसेवक पद तूर्तास न भरण्याच्या सूचनाही न्यायालयाने दिल्या. (Vishakha Raut)

सर्वोच्च न्यायालयात याप्रकरणात प्रतिवादी तथा निवडणूक याचिकाकर्त्या प्रिया सदानंद सरवणकर गुरव यांनी सर्वोच्च न्यायालयाने दिलेल्या आदेशाचे स्वागत केले. न्यायमूर्ती विक्रम नाथ आणि न्यायमूर्ती संदीप मेहता यांच्या खंडपीठासमोर विशाखा राऊत यांनी दाखल केलेल्या विशेष अनुमति याचिकेवर सुनावणी झाली. सुनावणीदरम्यान सर्वोच्च न्यायालयाने विशेष अनुमति याचिकेवर नोटीस जारी केली. (Vishakha Raut)

 

 

तथापि, विशाखा राऊत यांना कोणताही अंतरिम दिलासा देण्यास नकार देत मुंबई उच्च न्यायालयाच्या निर्णयाला स्थगिती देण्यास सर्वोच्च न्यायालयाने स्पष्टपणे नकार दिला. अपिलीय प्राधिकरणाकडून अपीलाचा अंतिम निर्णय होईपर्यंत रिक्त झालेली नगरसेवकाची जागा भरली जाणार नाही, असे सर्वोच्च न्यायालायने म्हटले. (Vishakha Raut)

मात्र, यामुळे विशाखा शरद राऊत यांना पुन्हा पदावर पुनर्स्थापित करण्यात आले नाही किंवा त्यांच्या अपात्रतेवर स्थगिती मिळालेली नाही. सदर प्रकरणाची पुढील सुनावणी 27 ऑक्टोबर रोजी होणार आहे. (Vishakha Raut)

Vishakha Raut : ठाकरे गटात खळबळ! विशाखा राऊतांचं नगरसेवक पद रद्द; शिंदे गटाला लॅाटरी लागणार?