Prakash Mahajan : एक मोठी बातमी समोर आली आहे. महाराष्ट्र नवनिर्माण सेनेचे प्रकाश महाजन यांनी पक्षाला जय महाराष्ट्र केला आहे. त्यांच्या अचानक राजीनाम्यामुळे सर्वत्र जोरदार चर्चा सुरू झाली आहे. खरंतर गेल्या अनेक दिवसांपासून महाजन नाराज असल्याचं बोललं जात होतं. अखेर राजीनामा दिल्यानंतर त्यांनी आपल्या मनातली खदखद बोलून दाखविली आहे. मनसेला सोडचिठ्ठी देण्याचा निर्णय घेतला आहे. कमीतकमी अपेक्षा ठेवून माझ्या वाट्याला उपेक्षा असल्याचं प्रकाश महाजन यांनी म्हटलं आहे. गंगेला बोल लावला, तेव्हा खरंतर मी तेव्हाच थांबायला हवं होत…मला वैयक्तिक अपेक्षा नव्हती, पदाची अपेक्षा नव्हती, फक्त हिंदुत्वाचा विचार जोपासला जावा, ही अपेक्षा होती. पण वाट्याला उपेक्षा आली, असं म्हणत प्रकाश महाजन यांनी आपली नाराजी जाहीरपणे व्यक्त केली आहे. मनसेला सोडचिठ्ठी दिल्यानंतर त्यांनी एक व्हिडीओ प्रसिद्ध केला आहे. या व्हिडीओतून त्यांनी आपल्या नाराजी व्यक्त केली आहे. मला विधानसभेत प्रचारपुरते वापरून घेतले, असा गंभीर आरोप त्यांनी केला आहे. मी असलो काय नसलो काय त्याचा काहीही फरक पडत नसल्याचं त्यांनी म्हटलं आहे. मी हिंदुत्वासाठी काम करत होतो. पण माझ्या वाटेला उपेक्षा आली. मला विधानसभेला फक्त प्रचाराला वापरून घेतले. मी अमित ठाकरेंचा यांचा थोडा अपराधी आहे. कारण मी त्यांना शब्द दिला होता की मी तुमच्यासोबत काय तुमच्या मुलासोबत ही काम करेल, अशी भावना त्यांनी व्यक्त केली आहे. तसेच महाजनांनी मनसैनिकांचे आभार या व्हिडीओतून मानले आहेत. असंख्य मानसैनिकांनी माझ्यावर प्रचंड प्रेम दिले. त्यांचा मी ऋणी राहील. या मनोरुग्ण परिस्थितीतून बाहेर येण्यासाठी मी थांबत आहे, असं प्रकाश महाजन म्हणाले आहेत. वरिष्ठ नेत्यांनी माझी बाजू घेतली नाही प्रकाश महाजन यांनी ठाकरे बंधूंच्या युतीबाबत भाष्य केलं होतं. यावरून त्यांना साईडलाईन केल्याची जोरदार चर्चा सुरू होती. खरंतर महाजन हे त्यांनी केलेल्या अनेक विधानांमुळे सतत चर्चेच्या केंद्रस्थानी असतं. भाजप खासदार नारायण राणे यांना आव्हान देणार विधान प्रकाश महाजन यांनी केलं होतं. त्यावेळी पक्षातील कोणत्याही वरिष्ठ नेत्यांनी माझी बाजू घेतली नाही, असं म्हणत त्यांनी मनातली खदखद व्यक्त केली. मी नाराज नाही खिन्न आणि दुःखी आहे, असंही प्रकाश महाजन म्हणाले होते. हेही वाचा : Jatra 2 Movie : प्रेक्षकांची उत्सुकता किती ताणणार? 2022 ला जत्रा 2 ची केली होती घोषणा, आता क्रांती रेडकरने व्हिडीओ केला शेअर पण…
