Supreme Court | Banke Bihari temple – मंदिरांमध्ये सशुल्क विशेष पूजा करण्यास परवानगी दिल्याबद्दल आणि त्यामुळे देवतेच्या विश्रांतीच्या वेळेत व्यत्यय येत असल्याबद्दल नाराजी व्यक्त करत, सर्वोच्च न्यायालयाने सोमवारी वृंदावन येथील बांके बिहारी जी मंदिरातील दर्शनाच्या वेळा आणि मंदिराच्या प्रथांमधील बदलांना आव्हान देणाऱ्या याचिकेवर अधिकाऱ्यांकडून उत्तर मागवले. सर्वोच्च न्यायालयाने नियुक्त केलेल्या मंदिर व्यवस्थापन समितीला आणि उत्तर प्रदेश सरकारला नोटीस बजावत, सरन्यायाधीश सूर्यकांत, न्या. जॉयमाल्या बागची आणि न्या. विपुल पी. पंचोली यांच्या तीन न्यायाधीशांच्या खंडपीठाने या प्रकरणाची पुढील सुनावणी जानेवारी २०२६ च्या पहिल्या आठवड्यात ठेवली आहे. सर्वोच्च न्यायालयाने ज्येष्ठ वकील श्याम दिवान आणि वकील तन्वी दुबे यांचे युक्तिवादही नोंदवून घेतले. उत्तर प्रदेश श्री बांके बिहारी जी मंदिर ट्रस्ट अध्यादेश, २०२५ च्या पार्श्वभूमीवर हा वाद निर्माण झाला आहे. त्यामुळे धार्मिक संस्थांमध्ये सरकारी हस्तक्षेप आणि त्याचे परिणाम यावर चर्चा सुरू झाली आहे. समस्त हिंदू संघटनांनी या वक्तव्याचा निषेध केला आहे.
