English Gymnast Gabriel Langton Neck Injury Shock Fall Video Viral In CWG 2026 : स्कॉटलंडमधील ग्लास्गो येथे सुरू असलेल्या राष्ट्रकुल क्रीडा स्पर्धेत (Commonwealth Games 2026) एक अत्यंत भीतीदायक आणि थरारक घटना घडली आहे. जिम्नॅस्टिकच्या पुरुष संघ अंतिम (Team Final) फेरीत इंग्लंडचा १९ वर्षीय जिम्नॅस्ट गॅब्रिएल लॅंग्टन (Gabriel Langton) हाय बार रूटीन करत असताना त्याचा तोल गेला आणि तो थेट डोक्यावर आदळला. या भीषण अपघातानंतर स्टेडियममध्ये उपस्थित असलेले प्रेक्षक आणि खेळाडू क्षणभरासाठी सुन्न झाले.

सुदैवाने मोठा अपघात टळला; स्कॅन रिपोर्ट नॉर्मल!

हाय बारवरून स्टंट करताना गॅब्रिएलचा हात बारवर पोहोचू शकला नाही, ज्यामुळे त्याचा तोल सुटला. जमिनीवर अत्यंत भीषण रीतीने आदळल्यानंतर मैदानावरील वैद्यकीय पथकाने तातडीने त्याच्यावर प्राथमिक उपचार केले आणि त्याला रुग्णवाहिकेने थेट रुग्णालयात दाखल केले. ‘ईएसपीएन’च्या वृत्तानुसार, रुग्णालयात त्याच्या अनेक गंभीर चाचण्या आणि स्कॅन (Scan) करण्यात आले.

🚨NEWS: English gymnast Gabriel Langton has been rushed to hospital after suffering a major fall during the Commonwealth Games pic.twitter.com/bXsMusO5fF

— Basil the Great (@BasilTheGreat) July 25, 2026

सुदैवाने, रिपोर्टमध्ये त्याला कोणतीही मोठी दुखापत झाली नसल्याचे स्पष्ट झाले आहे. त्याला लवकरच रुग्णालयातून सोडण्यात येईल. उल्लेखनीय म्हणजे, ऑलिम्पिक सुवर्णपदक विजेता मॅक्स व्हिटलॉक दुखापतग्रस्त झाल्यामुळे गॅब्रिएलचा शेवटच्या क्षणी संघात समावेश करण्यात आला होता.

हेही वाचा – Anahat Squash History : १८ वर्षांच्या अनाहत सिंहने रचला इतिहास! जागतिक ज्युनियर स्क्वॅश जेतेपद पटकवणारी ठरली पहिली भारतीय खेळाडू

पदक तालिकेत ऑस्ट्रेलिया अव्वल, भारत १० व्या स्थानावर!

स्पर्धेच्या पहिल्या तीन दिवसांत इंग्लंडने १५ पदके जिंकत पदक तालिकेत (Medal Tally) दुसरे स्थान पटकावले आहे, तर १२ सुवर्णपदकांसह एकूण २३ पदके जिंकून ऑस्ट्रेलिया अव्वल स्थानी आहे. भारताबाबत बोलायचे झाल्यास, पॅरा-पॉवरलिफ्टिंगमध्ये झंडू कुमारने जिंकलेल्या एका कांस्यपदकासह (Bronze Medal) भारत सध्या १० व्या स्थानावर आहे. चौथ्या दिवशी भारतीय ॲथलीट्सकडून पदकांची संख्या वाढण्याची दाट शक्यता आहे.