Vaibhav Sooryavanshi Break Mahela Jayawardene Strike Rate Record IND vs ZIM 2nd T20I : भारत आणि जिम्बाब्वे यांच्यातील दुसऱ्या टी-२० सामन्यात भारताचा १५ वर्षीय युवा फलंदाज वैभव सूर्यवंशी (Vaibhav Sooryavanshi) मोठी खेळी करण्यात अपयशी ठरला असला, तरी त्याने आपल्या छोट्या वादळी खेळीने एका महाविक्रमाला गवसणी घातली आहे. अवघ्या ९ चेंडूंत ३ चौकार आणि १ षटकाराच्या मदतीने २२२.२२ च्या स्ट्राईक रेटने २० धावा करत त्याने श्रीलंकेचा महान फलंदाज महेला जयवर्धनेला मागे टाकले आहे.

महेला जयवर्धनेला टाकले मागे; युवराज अजूनही नंबर-१!

पहिल्या ५ आंतरराष्ट्रीय टी-२० डावांमध्ये सर्वाधिक स्ट्राईक रेटने धावा करणाऱ्या पूर्ण सदस्य देशांच्या फलंदाजांच्या यादीत वैभव सूर्यवंशीने दुसरा क्रमांक पटकावला आहे. बिहारच्या या १५ वर्षीय खेळाडूने आतापर्यंत खेळलेल्या ५ टी-२० सामन्यांत २११.३२ च्या भन्नाट स्ट्राईक रेटने ११२ धावा केल्या आहेत. यापूर्वी श्रीलंकेच्या महेला जयवर्धनेने आपल्या पहिल्या ५ टी-२० सामन्यांत २०१.८२ च्या स्ट्राईक रेटने धावा केल्या होत्या. या यादीत भारताचा माजी अष्टपैलू खेळाडू युवराज सिंग २३५.०९ च्या स्ट्राईक रेटसह अजूनही अव्वल स्थानावर आहे.

5 innings 10 sixes so far

Vaibhav Sooryavanshi has hit at least one maximum in every international innings he has played so far

A fearless start! 🔥#VaibhavSooryavanshi
pic.twitter.com/bXVcQjwVWI

— Sachin Chauhan (@SachinC27505791) July 25, 2026

पहिल्या पाच टी-२० सामन्यांनंतर सर्वाधिक स्ट्राईक रेट:

• २३५.०९ – युवराज सिंग (भारत)
• २११.३२ – वैभव सूर्यवंशी (भारत)
• २०१.८२ – महेला जयवर्धने (श्रीलंका)
• २०१.६७ – मोहम्मद अशरफुल (बांगलादेश)
• २००.०० – रिचर्ड लेव्ही (दक्षिण आफ्रिका)

हेही वाचा – Shreyas Iyer Statement : “१८० धावा होतील वाटत होतं, पण इशान-तिलकने…”, पहिली मालिका जिंकल्यानंतर श्रेयस अय्यरचं मोठं वक्तव्य

अवघ्या ५ सामन्यांत जगात निर्माण केली दहशत!

Unbelievable six from Vaibhav Sooryavanshi bats 🤯💥#indvszim pic.twitter.com/gSLKKk9jX3

— Cricket Room (@cricket__room) July 25, 2026

वैभव सूर्यवंशीने आतापर्यंत इंग्लंडविरुद्ध ३ आणि जिम्बाब्वेविरुद्ध २ असे एकूण ५ आंतरराष्ट्रीय सामने खेळले आहेत. यात त्याने एक अर्धशतकही झळकावले आहे. त्याच्या या आक्रमक फलंदाजीमुळे तो जागतिक क्रिकेटमध्ये चर्चेचा विषय बनला आहे.