Chanambam Rishikanta Singh Wins Silver Medal Weightlifting Glasgow CWG 2026 : स्कॉटलंडमधील ग्लास्गो येथे सुरू असलेल्या राष्ट्रकुल क्रीडा स्पर्धेत (Commonwealth Games 2026) भारतीय खेळाडूंची शानदार कामगिरी सुरुच आहे. पुरुषांच्या ६० किलो वजनी गटात भारताचा २८ वर्षीय स्टार भारोत्तोलक (वेटलिफ्टर) चनंबम ऋषिकांत सिंह (Chanambam Rishikanta Singh) याने रौप्य पदकावर (Silver Medal) आपले नाव कोरले आहे. या स्पर्धेतील भारताचे हे एकूण दुसरे पदक ठरले असून यापूर्वी पॅरा-पॉवरलिफ्टर झंडू कुमारने भारताला पहिले कांस्यपदक मिळवून दिले होते.

स्नॅच प्रकारात नवा राष्ट्रकुल विक्रम!

ऋषिकांतने सामन्याच्या सुरुवातीपासूनच उत्कृष्ट फॉर्म दाखवला. स्नॅच फेरीत त्याने आपले तिन्ही प्रयत्न (११६ किलो, ११९ किलो आणि १२१ किलो) अत्यंत यशस्वीरीत्या पूर्ण केले. तिसऱ्या प्रयत्नात १२१ किलो वजन उचलून त्याने स्वतःची सर्वोत्तम वैयक्तिक कामगिरी (Personal Best) तर केलीच, शिवाय राष्ट्रकुल क्रीडा स्पर्धेचा नवा विक्रमही (CWG Record) आपल्या नावावर नोंदवला.

क्लीन अँड जर्कचा थरार अन् सिल्व्हरवर मोहर!

𝐆𝐚𝐦𝐞𝐬 𝐑𝐞𝐜𝐨𝐫𝐝 𝐢𝐧 𝐒𝐧𝐚𝐭𝐜𝐡! 🏋️‍♂️

Debutant at the Commonwealth Games, Rishikanta Singh, begins with a sensational 121kg lift in Snatch to set a new Games Record in the men’s 60kg category.

Can the Indian build on a fine start to climb to the top of the podium?… pic.twitter.com/OYnP5i5MQ5

— Sony Sports Network (@SonySportsNetwk) July 26, 2026

क्लीन अँड जर्क फेरीत ऋषिकांतने पहिल्याच प्रयत्नात १४३ किलो वजन सहज उचलले. मात्र, १४८ किलोच्या दुसऱ्या प्रयत्नात त्याची पकड सुटली. सुवर्णपदक जिंकण्यासाठी त्याने अंतिम प्रयत्नात १५१ किलो वजन उचलण्याचे मोठे आव्हान स्वीकारले, परंतु ते अपूर्ण राहिले. ऋषिकांतने एकूण २६४ किलो (स्नॅच १२१ किलो + क्लीन अँड जर्क १४३ किलो) वजन उचलून रौप्यपदक पटकावले, तर मलेशियाच्या अनिकने (२७३ किलो) सुवर्णपदक जिंकले.

हेही वाचा – English Gymnast Fall : ग्लास्गोत थरारक अपघात! हाय बारवरून सरळ डोक्यावर आदळला स्टार खेळाडू; VIDEO होतोय तुफान व्हायरल

कोण आहे चनंबम ऋषिकांत सिंह?

Well done! Rishikanta Singh Chanambam! First Silver Medal#CWG2026 #glasgow #weightlifting pic.twitter.com/gN9sgVhWE6

— nm (@hanuberg) July 26, 2026

मणिपूरच्या इम्फाळमधील खुमान लंपक नॅशनल स्पोर्ट्स अकादमीतून वेटलिफ्टिंगचे धडे गिरवणाऱ्या ऋषिकांतने २०२५ च्या अहमदाबाद कॉमनवेल्थ चॅम्पियनशिपमध्ये २७१ किलो वजन उचलून सुवर्ण जिंकले होते. याच कामगिरीच्या जोरावर त्याला ग्लास्गो २०२६ चे थेट तिकीट मिळाले होते. याशिवाय २०२४ च्या राष्ट्रीय अजिंक्यपद स्पर्धेत १२४ किलो वजन उचलून स्नॅचचा राष्ट्रीय विक्रमही त्याच्याच नावावर आहे.