प्रभात वृत्तसेवा
कार्ला – महाराष्ट्रातील जागृत देवस्थान असलेल्या श्री एकविरा देवीच्या लोणावळ्याजवळील कार्ला वेहरगाव डोंगरावर बुधवारी पहाटे साडेचार वाजता अभिषेक व देवीचा नवरात्र महानवमी होम संपन्न झाला. नवरात्रीच्‍या काळात राज्‍यभरातून आलेल्‍या सुमारे दहा लाख भाविकांनी आई एकविरेचे दर्शन घेतले.आई एकविरादेवीचा अभिषेक मावळचे आमदार सुनिल शेळके, देवस्थान अध्यक्ष दिपक हुलावळे, सरपंच अर्चना

देवकर यांंच्या हस्ते झाल्यानंतर विश्वस्त मारुती देशमुख नवनाथ देशमुख, विकास पडवळ, सागर देवकर, पूजा पडवळ संजय गोविलकर, पोलीस पाटील अनिल पडवळ, चंद्रकांत देवकर, अरुण देशमुख, नितीन देशमुख, अशोक पडवळ, संदीप देवकर, शिवाजी कुटे, शहाजी पडवळ, सनी हुलावळे, प्रकाश पोरवाल, जयेंद्र खुणे होम प्रज्‍वलित करुन विधीवत पूजा करण्यात आली.

यावेळी सर्व गुरव प्रतिनिधी, पुजारी, वेहरगाव दहिवली ग्रामपंचायत पदाधिकारी उपस्थित होते. न दिवस एकविरादेवी मंदिर भाविकांसाठी चौवीस तास दर्शनासाठी खुले ठेवण्यात आले होते. यामुळे देवीच्या दर्शनासाठी मंगळवारी रात्री दर्शना रांगा लागल्या होत्या. पहाटे एकविरादेवी मंदिर परिसर भाविकांनी पूर्णपणे फुलून गेला होता.नवरात्र काळात आठ ते दहा लाखापर्यंत भाविकांनी देवीच्या दर्शनासाठी हजेरी लावली.

नवरात्रत्सोच्या काळात कुठलाही अनुचीत प्रकार घडु नये यासाठी पुणे जिल्हा ग्रामीणचे पोलिस अधीक्षक संदीप गिल, अप्पर अधीक्षक रमेश चोपडे, लोणावळा उपविभागीय पोलीस अधिकारी गजानन टोम्पे यांच्या मार्गदर्शनाखाली लोणावळा ग्रामीणचे पोलिस निरीक्षक दिनेश तायडे, उपनिरिक्षक प्रशांत आवरे, विजया म्हेत्रे व सर्व पोलीस कर्मचारी यांनी अहोरात्र कष्ट घेत चोख बंदोबस्त तैनात ठेवला होता.

ह्या शारदीय नवरात्री उत्सव शांततेत पार पडावा याचे योग्य नियोजन देवस्थान मुख्य विश्वस्त खासदार सुरेश म्हात्रे, अध्यक्ष दिपक हुलावळे, उपाध्यक्ष मारुती देशमुख, सागर देवकर, सचिव नवनाथ देशमुख, खजिनदार विकास पडवळ, विश्वस्त संजय गोविलकर, महेंद्र देशमुख, पूजा अशोक पडवळ, सरपंच अर्चना देवकर, व्यवस्थापाक नंदकुमार पदमुले व सर्व देवस्थान कर्मचारी, सर्व शासकीय विभाग प्रमुख व कर्मचारी यांनी प्रयत्न केले.

वेहरगाव एकविरादेवी पायथा मंदिरात होम हवन संपन्न..
वेहरगाव – आई एकविरादेवी पायथा मंदिरासमोर नवरात्रत्सोवा निमित्त बुधवारी सकाळी होम हवन कार्यक्रम संपन्न झाला. उद्योजक संजय देवकर, राजेश खाते, मयूरेश पाटील, चंद्रकांत शेलार, अमित केणी व अन्य भाविक यांच्या हस्ते विधीवत पूजा करुन होम हवन करण्यात आले. यावेळी माजी जिल्हापरिषद सदस्य मिलिंद बोत्रे, उपजिल्हा प्रमुख सुरेश गायकवाड माजी सरपंच गणपत पडवळ, तंटामुक्ती अध्यक्ष मधुकर पडवळ, संजय देवकर, मोरेश्वर पडवळ, राजू देवकर, व्यवस्थापक संतोष देवकर, अरुण पवार, तेजस खिरे, यशवंत येवले, राजु गायकवाड, जगनाथ पडवळ यांच्या सह वेहरगाव ग्रामस्थ उपस्थित होते.