Maharashtra Politics : आगामी विधानसभा आणि लोकसभा निवडणुकांच्या पार्श्वभूमीवर काँग्रेसने संघटनात्मक विस्ताराला सुरुवात केली आहे. बीड आणि उत्तर महाराष्ट्रातील भाजप तसेच राष्ट्रवादी काँग्रेस (शरदचंद्र पवार) पक्षातील काही नेते, पदाधिकारी आणि कार्यकर्त्यांनी काँग्रेसमध्ये प्रवेश केला. यामध्ये माजी मंत्री वामनराव नाईक यांच्या नात गितांजली नाईक यांचाही समावेश आहे. (Maharashtra Politics)

मुंबईतील टिळक भवन येथे झालेल्या पक्षप्रवेश सोहळ्यात बीड जिल्ह्यातील राष्ट्रवादी काँग्रेस (शरदचंद्र पवार) पक्षाचे नेते ॲड. नरसिंह जाधव यांनी आपल्या समर्थकांसह काँग्रेसमध्ये प्रवेश केला. याशिवाय भाजप शिक्षक आघाडी आणि उत्तर महाराष्ट्र खान्देश विकास मंडळ कल्याणचे अध्यक्ष विकास मुकुंदराव पाटील यांनीही शेकडो कार्यकर्त्यांसह काँग्रेसमध्ये प्रवेश केला. (Maharashtra Politics)

काँग्रेसचे नवनियुक्त प्रभारी डॉ. सिरिवेल्ला प्रसाद आणि प्रदेशाध्यक्ष हर्षवर्धन सपकाळ यांनी पक्षात प्रवेश करणाऱ्या नेत्यांचे आणि कार्यकर्त्यांचे स्वागत केले. (Maharashtra Politics)

काँग्रेस संघटना मजबूत करण्याचे आवाहन

यावेळी बोलताना डॉ. सिरिवेल्ला प्रसाद यांनी ज्या जिल्ह्यांमध्ये काँग्रेसची संघटनात्मक ताकद तुलनेने कमी आहे, त्या ठिकाणी पक्ष संघटना मजबूत करण्याची गरज व्यक्त केली. बीडसह अशा जिल्ह्यांमध्ये कार्यकर्त्यांनी जोमाने काम करून पक्षाची संघटनात्मक बांधणी करण्याचे आवाहन त्यांनी केले. तसेच २०२९च्या लोकसभा निवडणुकीसाठी आतापासूनच तयारी सुरू करण्याचे आवाहन कार्यकर्त्यांना करण्यात आले. (Maharashtra Politics)

प्रदेशाध्यक्ष हर्षवर्धन सपकाळ यांनी काँग्रेसचा विचार गावागावात पोहोचवण्यावर भर दिला. बीड आणि खान्देशातील या पक्षप्रवेशामुळे संबंधित भागातील संघटनात्मक कामाला चालना मिळेल, असे त्यांनी सांगितले. (Maharashtra Politics)

या पक्षप्रवेश सोहळ्याला राज्यसभा खासदार चंद्रकांत हंडोरे, एआयसीसीचे सचिव बी. एम. संदीप, रेहाना चिस्ती, ज्येष्ठ नेते अशोक पाटील, प्रदेश उपाध्यक्ष सिद्धार्थ हत्तीअंबिरे, प्रदेश सरचिटणीस ॲड. संदेश कोंडविलकर, वरिष्ठ प्रवक्ते अतुल लोंढे, धीरज देशमुख आणि बीड जिल्हा काँग्रेसचे अध्यक्ष राहुल सोनावणे यांच्यासह पक्षाचे पदाधिकारी उपस्थित होते. (Maharashtra Politics)

Maharashtra Politics : उद्धव ठाकरेंना मोठा धक्का; ‘या’ दिग्गज नेत्याचा शिंदेंच्या शिवसेनेत प्रवेश

Maharashtra Politics : गणेश विसर्जनाच्या धामधुमीत मोठी राजकीय घडामोड! मुंबईत नेमकं काय घडलं?