Duleep Trophy 2nd Round Squad : बीसीसीआयने दुलीप ट्रॉफी 2024 च्या दुसऱ्या फेरीसाठी चारही संघांचे संघ जाहीर केले आहेत. 12 सप्टेंबरपासून अनंतपूर येथे होणाऱ्या सामन्यासाठी बासीसीआय ने भारत अ, भारत ब आणि भारत ड या संघांमध्ये काही बदल केले आहेत. भारत क संघात कोणताही बदल झालेला नाही. दुलीप ट्रॉफीच्या दुसऱ्या फेरीत शुभमन गिल, केएल राहुल, ध्रुव जुरेल, कुलदीप यादव यांच्यासह अनेक भारतीय स्टार्स बाहेर पडले आहेत. तर भारत क संघ कोणताही बदल न करता खेळताना दिसेल.

रिंकू सिंगचा भारत ‘ब’ मध्ये समावेश…

वास्तविक, भारत ‘ब’ संघाकडून खेळणारे यशस्वी जैस्वाल आणि ऋषभ पंत यांचा बांगलादेश कसोटी मालिकेसाठी भारतीय संघात समावेश करण्यात आला आहे. ते यापुढे दुलीप ट्रॉफी 2024 च्या दुसऱ्या फेरीत खेळताना दिसणार नाही. त्यांच्या जागी निवडकर्त्यांनी सुयश प्रभुदेसाई आणि रिंकू सिंग यांना संघाचा भाग बनवले आहे. त्याचबरोबर वेगवान गोलंदाज यश दयालला प्रथमच भारतीय संघात स्थान मिळाले आहे. सर्फराज खानचाही भारतीय संघात समावेश करण्यात आला आहे. अशा परिस्थितीत हे दोन्ही खेळाडू दुसऱ्या फेरीचे सामनेही खेळणार नाहीत. दयाल यांच्या जागी हिमांशू मंत्री (मध्य प्रदेश क्रिकेट असोसिएशन) यांचा भारत ‘ब’ मध्ये समावेश करण्यात आला आहे.

गिलच्या जागी मयंक अग्रवालला भारत ‘अ’ संघाचे कर्णधारपद …

दुलीप ट्रॉफीच्या दुसऱ्या फेरीसाठी निवडकर्त्यांनी शुभमन गिलच्या जागी प्रथम सिंग (रेल्वे), केएल राहुलच्या जागी अक्षय वाडकर (विदर्भ) आणि ध्रुव जुरेलच्या जागी एसके रशीद (आंध्र प्रदेश) यांची निवड केली आहे. डावखुरा फिरकीपटू शम्स मुलानी कुलदीपच्या जागी संघात, तर आकिब खान (UPCA) आकाश दीपच्या जागी संघात स्थान घेतील. त्याचबरोबर मयंक अग्रवालला भारत अ संघाचा कर्णधार बनवण्यात आले आहे.

निशांत सिंधूला भारत ‘ड’ मध्ये संधी

अक्षर पटेलच्या जागी हरियाणाच्या निशांत सिंधूला भारत ‘ड’ मध्ये संधी मिळाली आहे. तुषार देशपांडे दुखापतीमुळे दुसऱ्या फेरीतून बाहेर पडला असून त्याच्या जागी भारत ‘अ’ संघाचा विद्वथ कावरप्पा खेळणार आहे.

AFG vs NZ Test Day 2 : दुसऱ्या दिवसाचा खेळही रद्द, असुविधा पाहता अफगाणिस्ताननं दिली तिखट प्रतिक्रिया…

बदल झालेले संघ…

भारत ‘अ’ संघ : मयंक अग्रवाल (कर्णधार), रायन पराग, तिलक वर्मा, शिवम दुबे, तनुष कोटियन, प्रसिध कृष्णा, खलील अहमद, आवेश खान, कुमार कुशाग्र, शास्वत रावत, प्रथम सिंग, अक्षय वाडकर, एसके रशीद, शम्स मुलाणी, आकिब खान

🚨 News 🚨

Squads for second round of #DuleepTrophy 2024-25 announced.

Details 🔽 @IDFCFIRSTBank https://t.co/yzuivNlrmg

— BCCI Domestic (@BCCIdomestic) September 10, 2024

भारत ‘ब’ संघ : अभिमन्यू इसवरन (कर्णधार), सरफराज खान, मुशीर खान, नितीश कुमार रेड्डी, वॉशिंग्टन सुंदर, नवदीप सैनी, मुकेश कुमार, राहुल चहर, आर साई किशोर, मोहित अवस्थी, एन जगदीसन (यष्टीरक्षक), सुयश प्रभुदेसाई, रिंकू सिंग , हिमांशू मंत्री (विकेटकीपर)

भारत ‘ड’ संघ : श्रेयस अय्यर (कर्णधार), अथर्व तायडे, यश दुबे, देवदत्त पडिक्कल, रिकी भुई, सरांश जैन, अर्शदीप सिंग, आदित्य ठाकरे, हर्षित राणा, आकाश सेनगुप्ता, केएस भरत (यष्टीरक्षक), सौरभ कुमार, संजू सॅमसन (विकेटकीपर), निशांत सिंधू, विदावथा कावेरप्पा