Nishikant Dubey : महाराष्ट्र नवनिर्माण सेनेचे अध्यक्ष राज ठाकरे यांनी मराठीच्या मुद्यावरून आक्रमक भूमिका घेतली आहे. हिंदी भाषेला आमचा विरोध नाही, पण हिंदी भाषेची सक्ती नको असे त्यांनी वेळोवेळा सरकारला ठणकावून सांगितलं आहे. या मुद्यावर उद्धव ठाकरे आणि राज ठाकरे एकत्र आल्याचं पाहायला मिळालं होतं. याच वेळी भाजपचे खासदार निशिकांत दुबे यांनी ठाकरे बंधूंना डिवचलं होतं.

महाराष्ट्र बाहेर या, तुम्हाला आपटून आपटून मारु, असं निशिकांत दुबेंनी विधान केलं होतं. त्यांच्या या विधानाला राज ठाकरे यांनी काल झालेल्या मिरा भाईंदरच्या सभेतून जोरदार प्रतिआव्हान दिलं आहे. दुबे..तुम मुंबई में आ जावो…मुंबई के समंदर में डुबे डुबे कर मारेंगे, अंस राज ठाकरे म्हणाले आहेत. आता त्यांच्या या आव्हानाला निशिकांत दुबे यांनी एक व्हिडीओ शेअर करत प्रतिक्रिया दिली आहे.

मैंने राज ठाकरे को हिंदी सिखा दी ? https://t.co/5YpM1SrzDt

— Dr Nishikant Dubey (@nishikant_dubey) July 18, 2025

एक्सवर पोस्ट करत निशिकांत दुबेंनी राज ठाकरेंना डिवचलं आहे. या भाषणात राज ठाकरे यांनीा यांनी भाजप खासदारावर केस नाही झाली, कुठेही हिंदी चॅनल्सवर बातम्या नाही आल्या. त्यांच्या या विधानाचा व्हिडीओ दुबेंनी एक्सवरून शेअर केला आहे. मी राज ठाकरेंना हिंदी शिकवली? असं म्हणत त्यांनी एएनआयचा व्हिडीओ शेअर केला आहे.

फडणवीसांना थेट इशारा

राज ठाकरे यांनी पुन्हा एकदा काल झालेल्या मिरा भाईंदरच्या सभेतून मुख्यमंत्री देवेंद्र फडणवीस यांना थेट इशारा दिला आहे. याचे कारण त्रिभाषेचे सूत्र निश्चित करण्यासाठी डॅा. नरेंद्र जाधव यांची समिती गठित करण्यात आली आहे. या समितीचा अहवाल आल्यानंतर हिंदी भाषा लागू केली जाऊ शकते असं बोललं जातं आहे. यामुळे राज यांनी हिंदी भाषेची सक्ती करून तर बघा आधी दुकानं बंद केली आता शाळेही बंद करू, असा थेट इशारा दिला आहे.

हेही वाचा : अडीच महिन्यांनतरही सीईटी सेल सुस्तच; विद्यार्थी चिंतेत