Arvind Kejriwal – डबल इंजिन सरकार म्हणजे दुहेरी लूट. गेल्या सात वर्षांपासून यूपीमध्ये दुहेरी इंजिनचे सरकार आहे, पण ते अपयशी ठरले आहे. दिल्लीतील जनतेचे प्रेम, पाठिंबा आणि विश्वास माझ्या प्रामाणिकपणाचा पुरावा ठरेल, असे प्रतिपादन आम आदमीए पक्षाचे सर्वेसर्वा अरविंद केजरीवाल यांनी म्हटले आहे.

दिल्लीतील छत्रसाल स्टेडियमवर आम आदमी पक्षातर्फे ‘जनता की अदालत’ कार्यक्रमाचे आयोजन करण्यात आले होते. जनतेला संबोधित करताना अरविंद केजरीवाल म्हणाले की, 22 राज्यांमध्ये त्यांची (भाजप) सरकारे आहेत. तुम्ही त्यांना एका राज्याचे नाव सांगा जिथे त्यांनी वीज मोफत दिली आहे.

ते 30 वर्षांपासून गुजरातमध्ये सत्तेत आहेत. त्यांनी एकही शाळा दुरुस्त केली नाही. 22 राज्यात त्यांची सरकारे आहेत, मला एक गोष्ट सांगा की त्यांनी चांगले काम केले आहे. पीएम मोदी पुढील वर्षी १७ सप्टेंबरला निवृत्त होणार आहेत. मी तुम्हाला आव्हान देतो की या एका वर्षात 22 राज्यांमध्ये असे काहीतरी करा जे दिल्लीत झाले. त्यांनी 10 वर्षांत काहीही केले नाही.

केजरीवाल म्हणाले, ‘जेव्हा तुम्ही निवृत्त व्हाल तेव्हा सर्वांना वाटेल की तुम्ही 10 वर्षे काहीही केले नाही, पण 11व्या वर्षी काहीतरी केले. आज मी पंतप्रधान मोदींना सांगतो की दिल्लीच्या निवडणुका फेब्रुवारीमध्ये आहेत. फेब्रुवारीपूर्वी या 22 राज्यांमध्ये वीज मोफत करा, मी दिल्ली निवडणुकीत मोदींचा प्रचार करेन.

जनता की अदालत कार्यक्रमादरम्यान, दिल्लीच्या मुख्यमंत्री आणि आप नेते आतिशी म्हणाल्या की, दिल्ली हे एकमेव ठिकाण आहे जिथे कडक उन्हातही 24 तास वीज उपलब्ध असते आणि तरीही बिल शून्य येते, ही अरविंद केजरीवाल यांची दिल्ली आहे.

भाजप हा गरीब विरोधी पक्ष असून गरीबांना त्रास देतो. गेल्या काही वर्षांपासून भाजपचे केंद्र सरकार संपूर्ण दिल्लीत एकामागून एक झोपडपट्ट्या पाडत आहे, भाजपने सहा महिन्यांपूर्वी वृद्धापकाळ पेन्शन बंद केली होती. आताअ त्यावर वादंग माजला आहे.