Donald Trump US। अमेरिकेचे राष्ट्राध्यक्ष डोनाल्ड ट्रम्प यांनी चीनच्या विजय परेडच्या आधी राष्ट्राध्यक्ष शी जिनपिंग, व्लादिमीर पुतिन आणि किम जोंग उन यांच्यावर सडकून टीका केली आहे. “तुम्ही अमेरिकेच्या विरोधात…” ट्रम्प यांनी यांच्याविषयी बोलताना,”अमेरिकेने चीनच्या स्वातंत्र्यात महत्त्वाची भूमिका बजावली आहे जिनपिंग यांनी हे विसरू नये” असे म्हणत त्यांनी चीनला मदतीची आठवण करून दिली. तर दुसरीकडे रशियाचे राष्ट्राध्यक्ष पुतिन आणि उत्तर कोरियाचे सर्वोच्च नेते किम जोंग उन यांची भेट पाहून ट्रम्प यांचा पारा चांगलाच चदल्याचे दिसून आले. त्यांनी ,”ते दोघेही अमेरिकेविरुद्ध कट रचत आहेत.” असा गंभीर आरोप केला.

डोनाल्ड ट्रम्प यांनी त्यांच्या सोशल मीडिया प्लॅटफॉर्मवर एक पोस्ट शेअर केली. या पोस्टमध्ये त्यांनी, “मोठा प्रश्न असा आहे की चीनचे राष्ट्राध्यक्ष शी जिनपिंग अमेरिकेने त्यांच्या देशाच्या स्वातंत्र्यासाठी सांडलेल्या ‘रक्ताचा’ उल्लेख करतील का? चीनच्या विजयात अनेक अमेरिकन लोकांनी आपले प्राण गमावले. मला आशा आहे की त्यांचे शौर्य आणि बलिदान त्यांना लक्षात राहील! अमेरिकेविरुद्ध कट रचल्याबद्दल व्लादिमीर पुतिन आणि किम जोंग यांना माझ्याकडून शुभेच्छा.”असे म्हणत त्यांनी दोन्ही देशांवर गंभीर आरोप केले.

चीनमध्ये विजय परेडचे आयोजन  Donald Trump US। 

चीन आज बीजिंगमध्ये विजय परेड आयोजित करणार आहे. दुसऱ्या महायुद्धात जपानच्या पराभवाला ८० वर्षे पूर्ण झाल्यानिमित्त तो ही परेड आयोजित करेल. जगातील अनेक मोठे नेते विजय परेडमध्ये सहभागी होण्यासाठी चीनमध्ये पोहोचले आहेत. पुतिन आणि किम जोंग उन यांचीही येथे भेट झाली, पण अमेरिकेचे अध्यक्ष डोनाल्ड ट्रम्प चीनला जाणार असल्याची कोणतीही बातमी नाही. ट्रम्प आधीच रशियावर रागावले आहेत आणि आता किम जोंग उन यांना एकत्र पाहून ते संतापले आहेत.

 भारत, चीन आणि रशिया यांना एकत्र पाहून अमेरिका का नाराज? Donald Trump US। 

अमेरिकेचे अध्यक्ष ट्रम्प यांनी भारतासह अनेक देशांवर कर लादला आहे, परंतु भारताविरुद्ध त्यांनी अतिशय कडक भूमिका दाखवली आहे. ट्रम्प यांनी त्यावर एकूण ५० टक्के कर लादला आहे. पंतप्रधान नरेंद्र मोदी अलीकडेच एससीओ शिखर परिषदेत सहभागी होण्यासाठी चीनला पोहोचले. या काळात ते पुतिन आणि जिनपिंग यांच्यासोबत दिसले. अमेरिकेने कर लादल्यानंतर तिघांची भेट ट्रम्पसाठी संदेशासारखी होती.