Donald Trump: मध्य पूर्वेतील तणावाच्या पार्श्वभूमीवर अमेरिकेचे अध्यक्ष डोनाल्ड ट्रम्प यांनी एक मोठे पाऊल उचलले आहे. त्यांनी सक्तीच्या मजुरीचा वापर करून बनवलेल्या उत्पादनांविरोधात एक मोठे पाऊल उचलले आहे.

ट्रम्प यांनी भारतातून आयात होणाऱ्या वस्तूंवर १० टक्के अतिरिक्त शुल्क लादले आहे. विशेष म्हणजे, ट्रम्प यांनी भारतासह १७ देशांविरोधात हा निर्णय घेतला आहे. अमेरिकेच्या व्यापार प्रतिनिधी कार्यालयाने (USTR) कलम ३०१ अंतर्गत हा निर्णय घेतला आहे.

अमेरिकेचे हे नवीन शुल्क शुक्रवारपासून लागू होईल. USTR नुसार, ज्या देशांनी सक्तीच्या मजुरीचा वापर करून बनवलेल्या उत्पादनांच्या आयातीविरोधात कठोर कारवाई केली नाही, त्यांच्याविरोधात ही कारवाई करण्यात आली आहे.  (Donald Trump)

विशेष म्हणजे, ट्रम्प यांनी भारताला कमी शुल्काच्या श्रेणीत ठेवले आहे, तर काही देशांवर १२.५ टक्के अतिरिक्त शुल्कही लादले आहे. ट्रम्प यांच्या आदेशानंतर ६० व्यापारी भागीदार देशांचा आढावा घेण्यात आला.

शुल्क लादण्याबद्दल डोनाल्ड ट्रम्प काय म्हणाले?   (Donald Trump)

एका वृत्तसंस्थेच्या वृत्तानुसार, अमेरिकेचे व्यापार प्रतिनिधी जेम्सन ग्रीर म्हणाले की, या पावलामुळे मानवाधिकार उल्लंघन आणि अन्यायकारक व्यापार पद्धती सुधारण्यास सुरुवात होईल.

ट्रम्प म्हणाले, “व्यापार प्रतिनिधींनी मला सल्ला दिला आहे की, या अर्थव्यवस्थांना असे निर्बंध प्रभावीपणे लागू करण्यास अधिक प्रोत्साहन देण्यासाठी, त्यांच्याकडील वस्तूंवर १० टक्के शुल्क आकारले जावे.”

भारत आणि पाकिस्तानसह कोणत्या देशांवर शुल्क आकारले ? 

भारतासोबतच, अमेरिकेने पाकिस्तान, बांगलादेश, श्रीलंका, अर्जेंटिना, कंबोडिया, कॅनडा, इक्वेडोर, एल साल्वाडोर, ग्वाटेमाला, होंडुरास, इंडोनेशिया, जॉर्डन, मलेशिया, मेक्सिको, त्रिनिदाद आणि टोबॅगो, आणि युनायटेड किंगडमवर १० टक्के शुल्क लादले आहे. इतर अनेक देशांवर १२.५ टक्के शुल्क लादण्यात आले आहे.

भारतावर शुल्क कमी का केले?   (Donald Trump)

एका अमेरिकी अधिकाऱ्याने सांगितले की, भारतावर १२.५ टक्के शुल्क लादले जाणार होते, परंतु कामगार पद्धतींवरील चांगल्या चर्चेच्या आधारावर, १९७४ च्या व्यापार कायद्याच्या कलम ३०१ अंतर्गत १० टक्के शुल्क लादण्यात आले.