Donald Trump on nuclear। अमेरिकेचे राष्ट्राध्यक्ष डोनाल्ड ट्रम्प यांनी एका अमेरिकन वृत्तवाहिनीवर पाकिस्तान भूमिगत अणुचाचण्या करत असल्याचा दावा केला. ट्रम्प म्हणाले की,”रशिया आणि चीनसारखे देशही अणुचाचण्या करत आहेत तसेच भूमिगत चाचण्यांमुळे परिसरात भूकंप होत आल्याचा मोठा दावा देवल त्यांनी केला आहे. रविवारी एका अमेरिकन वृत्तवाहिनील्या मुलाखतीत डोनाल्ड ट्रम्प म्हणाले, “रशिया आणि चीन चाचण्या करत आहेत, पण ते त्याबद्दल बोलत नाहीत. आपण एक मुक्त समाज आहोत. आपण वेगळे आहोत. आपण त्याबद्दल बोलतो. आपल्याला त्याबद्दल बोलावे लागेल, अन्यथा तुम्ही लोक रिपोर्ट कराल. त्यांच्याकडे याबद्दल लिहिणारे पत्रकार नाहीत.” उत्तर कोरिया आणि पाकिस्तान अणुचाचण्या करत आहेत Donald Trump on nuclear। ते पुढे म्हणाले, “आम्ही चाचणी करू कारण ते चाचणी करतात आणि इतर चाचणी करतात आणि निश्चितच उत्तर कोरिया चाचणी करत आहे. पाकिस्तान देखील चाचणी करत आहे.” ट्रम्प यांनी रशियाच्या अणुचाचण्या ड्रोन चाचणीवर ‘हे’ उत्तर दिले ट्रम्प यांचे विधान तेव्हा आले जेव्हा त्यांना रशियाच्या पोसायडॉन अणुचाचण्यांसह अणुशस्त्रांची चाचणी घेण्याच्या अलिकडच्या निर्णयाबद्दल विचारण्यात आले. उत्तरात ते म्हणाले, “ते कसे काम करतात ते तुम्हाला पहावे लागेल. मी म्हणतो ‘चाचण्या’ कारण रशियाने जाहीर केले आहे की ते चाचण्या करणार आहेत. जर तुम्ही बारकाईने पाहिले तर उत्तर कोरिया सतत चाचण्या करत आहे. इतर देश देखील चाचण्या करत आहेत. आम्ही एकमेव देश आहोत जो चाचण्या करत नाही आणि मी चाचणी न करणारा एकमेव देश होऊ इच्छित नाही.” त्यांनी सांगितले की आम्ही इतर देशांप्रमाणे अण्वस्त्रांची चाचणी करू. ट्रम्प यांनी असाही दावा केला की अमेरिकेकडे इतर कोणत्याही देशापेक्षा जास्त अण्वस्त्रे आहेत. अमेरिकेच्या अध्यक्षांनी असा दावा केला की आमच्याकडे १५० वेळा जगाला उडवून देण्यासाठी पुरेशी अण्वस्त्रे आहेत. ते म्हणाले, “रशियाकडे बरीच अण्वस्त्रे आहेत आणि चीनकडेही बरीच असतील. त्यांच्याकडे काही असतील. त्यांच्याकडे खूप आहेत.” ट्रम्प यांनी अण्वस्त्र निःशस्त्रीकरणाबद्दल काय म्हटले? Donald Trump on nuclear। गेल्या गुरुवारी, ट्रम्प यांनी अण्वस्त्र चाचण्या पुन्हा सुरू करण्याची घोषणा केली, ज्यामुळे दोन्ही अण्वस्त्र शक्तींमधील तणाव वाढण्याची शक्यता आहे. एअर फोर्स वनमध्ये चढण्यापूर्वी ट्रम्प म्हणाले की अण्वस्त्र निःशस्त्रीकरण ही एक उत्तम गोष्ट असेल, परंतु तीन दशकांहून अधिक काळानंतर अमेरिकेने अण्वस्त्र चाचण्या पुन्हा सुरू करणे योग्य आहे. रशिया आणि चीनचा उल्लेख करताना ट्रम्प पत्रकारांना म्हणाले, “ते सर्व अण्वस्त्र चाचण्या करत असल्याचे दिसते.”
