Donald Trump |  अमेरिकेचे अध्यक्ष डोनाल्ड ट्रम्प यांनी भारत आणि अमेरिका यांच्यात लवकरच एक मोठा व्यापार करार होणार असल्याची माहिती दिली आहे. अमेरिका आणि चीन यांच्यातील व्यापार युद्धाला तात्पुरता विराम देत दोन्ही देशांनी बँकॉक येथे नव्या व्यापार करारावर स्वाक्षऱ्या केल्या आहेत. अमेरिकेचे अध्यक्ष डोनाल्ड ट्रम्प यांनी या कराराची घोषणा करताना भारतासोबतही लवकरच असाच करार होण्याची अपेक्षा व्यक्त केली आहे. अमेरिकेचे अध्यक्ष डोनाल्ड ट्रम्प यांच्या घोषणेवरून काँग्रेसने मोदी सरकारवर सडकून टीका केली आहे. Donald Trump |

त्यापार्श्वभूमीवर काँग्रेसचे सरचिटणीस जयराम रमेश यांनी सोशल मीडिया एक्सवरील पोस्टद्वारे सरकारवर हल्लाबोल केला आहे. त्यांनी म्हटले की, ‘भारत-पाकिस्तान यांच्यातील संघर्षविरामासाठी व्यापार कराराचा वापर केल्याचे ट्रम्प यांनी 16 वेळा सांगितले. आता आता त्यांनी जाहीर केले आहे की पुढील काही दिवसांत भारत-अमेरिका व्यापार करारावर स्वाक्षरी होणार आहे. याला ट्रम्प अतिशय मोठी गोष्ट म्हणत आहेत आणि व्हायला हवे कारण यामुळेच ‘ऑपरेशन सिंदूर’ अचानक थांबवण्यात आले. आता स्पष्ट होत आहे की भारताला आपल्या महत्त्वाच्या निर्णयांची माहिती वॉशिंग्टनमधील व्हाईट हाउसकडून घ्यावी लागते आहे, ‘असा टोलाही जयराम रमेश यांनी लगावला. Donald Trump |

विरोधकांकडून सरकारवर टीका

दरम्यान, याआधी भारत पाकिस्तान संघर्षात ट्रम्प यांनी मध्यस्थी केल्याचे अनेकदा दावे केले होते. त्यावरून विरोधकांकडून सरकारवर टीका सुरू होती. आता अमेरिकेशी व्यापार कराराबाबत भारताचे प्रतिनिधीमंडळ अमेरिकेमध्ये असताना ट्रम्प यांची ही टिपणी आली आहे. व्यापार कराराबद्दलच्या ट्रम्प यांच्या विधानाने विरोधी पक्षांना सरकारवर टीका करण्याची संधी मिळाली आहे. Donald Trump |

ट्रम्प यांनी २ एप्रिल रोजी जगभरातील सुमारे १०० देशांवर टॅरिफ वाढविण्याची घोषणा केली होती. यामध्ये भारतावर २६ टक्के कर लादण्यात आला होता. त्यानंतर ट्रम्प प्रशासनाने तो ९० दिवसांसाठी पुढे ढकलला. हा करार भारताला जुलै २०२५ पर्यंत पूर्ण करायचा आहे. त्यातच आता ट्रम्प यांनी वरील वक्तव्य केल्याने दोन्ही देशांमधील बहुप्रतीक्षित द्विपक्षीय व्यापार कराराच्या वाटाघाटी प्रक्रियेत महत्त्वपूर्ण प्रगतीचे संकेत दिले आहेत. Donald Trump |

हेही वाचा:  

ठाकरे बंधूंच्या एकत्रित मोर्चावर एकनाथ शिदेंची एका वाक्यात प्रतिक्रिया म्हणाले….