Donald Trump। अमेरिकेचे राष्ट्राध्यक्ष डोनाल्ड ट्रम्प यांनी संयुक्त राष्ट्रांच्या (UN) भूमिकेवर प्रश्नचिन्ह उपस्थित करणारे एक महत्त्वाचे विधान केले आहे. त्यांनी, “अमेरिकाच आता खरी संयुक्त राष्ट्र आहे”. असे म्हटले आहे. डोनाल्ड ट्रम्प यांनी,”अमेरिकेने आधीच सात युद्धे थांबवली आहेत आणि आता आठवं युद्ध संपवणार आहे. अमेरिकन राष्ट्राध्यक्षांनी म्हटले आहे की जागतिक युद्धे रोखण्यात संयुक्त राष्ट्रांनी कोणतीही महत्त्वाची भूमिका बजावलेली नाही. यामुळे संयुक्त राष्ट्र युद्धे कशी थांबवू शकते हा प्रश्न उपस्थित होतो. ” असा सवाल करत मोठे विधान केले आहे. दरम्यान , त्यांच्या या विधानाने नवा वाद उफाळून येणार असल्याची चिन्ह आहेत. संयुक्त राष्ट्र म्हणजे काय? Donald Trump। संयुक्त राष्ट्र (UN) ही दुसऱ्या महायुद्धानंतर १९४५ मध्ये जागतिक शांतता आणि सुरक्षितता राखण्यासाठी स्थापन झालेली एक आंतरराष्ट्रीय संघटना आहे. जागतिक समस्यांवर चर्चा करण्यासाठी आणि उपाय शोधण्यासाठी १९३ सदस्य राष्ट्रांचा हा मंच आहे. राष्ट्रांमधील मैत्री राखणे, सामाजिक विकास आणि मानवी हक्कांना प्रोत्साहन देणे हे संयुक्त राष्ट्रांचे ध्येय आहे. संयुक्त राष्ट्र युद्धबंदीचे निरीक्षण करते, नागरिकांचे संरक्षण करते आणि शांतता करारांना समर्थन देते. ते निर्वासितांना अन्न, औषध आणि मदत पुरवठा देखील करते. युद्ध थांबवण्यास संयुक्त राष्ट्र किती सक्षम आहे? युद्ध थांबवण्यासाठी संयुक्त राष्ट्र लष्करी हस्तक्षेपाला अधिकृत करू शकते, परंतु ही प्रक्रिया गुंतागुंतीची आहे. त्यासाठी संयुक्त राष्ट्र सुरक्षा परिषदेची (UNSC) मान्यता देखील आवश्यक आहे. संयुक्त राष्ट्रांच्या चार्टरच्या सातव्या प्रकरणानुसार, जर युद्ध थांबवण्याचा सोपा मार्ग नसेल आणि त्यामुळे आंतरराष्ट्रीय सुरक्षा आणि शांतता धोक्यात आली तर, संयुक्त राष्ट्र सुरक्षा परिषदेला लष्करी बळाचा वापर करण्याचा निर्णय घेता येतो. संयुक्त राष्ट्रांकडे स्वतःचे कायमस्वरूपी सैन्य नाही, म्हणून जर ते युद्ध थांबवण्यासाठी सैन्य पाठवत असेल तर सदस्य देश स्वेच्छेने मदत करू शकतात. व्हेटो पॉवरची भूमिका काय आहे? Donald Trump। सीमा सुरक्षा परिषदेचे पाच स्थायी सदस्य आहेत: अमेरिका, रशिया, चीन, फ्रान्स आणि युनायटेड किंग्डम. त्या सर्वांना व्हेटो पॉवर आहे. जर यापैकी कोणत्याही देशाने लष्करी बळाच्या हस्तक्षेपाविरुद्ध आपला व्हेटो पॉवर वापरला तर, संयुक्त राष्ट्र युद्ध थांबवण्यासाठी सैन्य पाठवू शकणार नाही. जरी संयुक्त राष्ट्रांची लष्करी हस्तक्षेप करण्याची क्षमता मर्यादित असली तरी, ते इतर मार्गांनी शांतता राखण्यात महत्त्वपूर्ण भूमिका बजावते.
