K.K.Goswami : २०००च्या दशकाच्या सुरुवातीला टेलिव्हिजनवर अनेक अशा मालिका दाखल झाल्या, ज्यांनी अल्पावधीतच प्रेक्षकांच्या मनात घर केलं. त्या काळात या मालिकांची प्रचंड क्रेझ होती. याच काळात स्टार उत्सव वाहिनीवर सुरू झालेल्या ‘विक्राल और गबराल’ या थ्रिलर मालिकेनेही प्रेक्षकांवर छाप पाडली होती. विशेष म्हणजे, लहान मुलांपासून मोठ्यांपर्यंत अनेकजण आवडीने ही मालिका पाहायचे. २००३ मध्ये ‘विक्राल और गबराल ही मालिका सुरू झाली होती.

रहस्य, थरार आणि साहसाने भरलेल्या या मालिकेत सुपरहिरो विक्राल आणि गबराल मिळून वाईट शक्तींशी कसा सामना करतात, हे पाहायला मिळायचे. मालिकेतील गबरालची भूमिका साकारणारे अभिनेते के.के. गोस्वामी या भूमिकेमुळे विशेष लोकप्रिय झाले. त्यांचं खरं नाव कृष्णकांत गोस्वामी आहे. त्यानंतर त्यांनी अनेक लोकप्रिय टीव्ही मालिकांमध्ये काम केलं. मात्र, गेल्या काही वर्षांपासून ते मनोरंजन विश्वात फारसे सक्रिय दिसत नसल्याने चाहत्यांनाही त्यांची झलक क्वचितच पाहायला मिळत होती.

दरम्यान, दिवंगत दिग्दर्शक कुकू कोहली यांच्या प्रार्थना सभेला के.के. गोस्वामी यांनी हजेरी लावली. त्यांचा एक व्हिडीओ सोशल मीडियावर व्हायरल झाला असून, त्यांना पाहताच अनेक चाहत्यांच्या जुन्या आठवणींना उजाळा मिळाला. या प्रार्थना सभेला विकी कौशल, कतरिना कैफ यांच्यासह मनोरंजन क्षेत्रातील अनेक कलाकार उपस्थित होते.

 

View this post on Instagram

 

A post shared by Viral Bhayani (@viralbhayani)

अनेक वर्षांनी गबरूला पाहून चाहते भावुक

के.के. गोस्वामी यांचा व्हिडीओ सोशल मीडियावर समोर येताच चाहत्यांनी त्यांना लगेच ओळखलं. अनेकांनी कमेंट्स करत आपल्या लाडक्या अभिनेत्याला पाहून आनंद व्यक्त केला. विशेष म्हणजे, अनेक चाहत्यांनी त्यांच्या ‘विक्राल और गबराल’मधील गबरालच्या भूमिकेच्या आठवणी शेअर केल्या. व्हिडिओ पाहून नेटकऱ्यांनी काही मजेशीर कमेंट्स केल्या.

विकराल और गबराल टीव्ही मालिका

एका चाहत्याने, ‘माझ्या बालपणीचा गबराल, ती सर्वोत्तम मालिका होती’, अशी कमेंट केली. तर दुसऱ्या एका चाहत्याने, ‘हा विक्राल और गबरालचा गबरू आहे, अनेक वर्षांनी दिसला’, असं म्हटलं. याशिवाय चाहत्यांनी ‘हातिम’ आणि ‘श्श्श… फिर कोई है’ यांसारख्या के.के. गोस्वामी यांच्या लोकप्रिय मालिकांचाही उल्लेख केला. अनेकांनी त्यांच्या अभिनयाची आठवण काढत पुन्हा एकदा त्यांना पडद्यावर पाहण्याची इच्छा व्यक्त केली. काही चाहत्यांनी तर ‘के.के. गोस्वामी पुन्हा कधी स्क्रीनवर दिसणार?’ असा सवालही केला आहे.

कमी उंचीमुळे टीका, पण अभिनयाने निर्माण केली वेगळी ओळख

के.के. गोस्वामी यांचा जन्म ३ सप्टेंबर १९७३ रोजी बिहारमधील मुझफ्फरपूर येथे झाला. कमी उंचीमुळे सुरुवातीच्या काळात त्यांना मोठ्या टीकेचा सामना करावा लागला. मात्र, हार न मानता त्यांनी आपल्या अभिनयाच्या जोरावर मनोरंजन क्षेत्रात स्वतःची वेगळी ओळख निर्माण केली. ‘विक्राल और गबराल’व्यतिरिक्त ‘हातिम’ आणि ‘श्श्श… फिर कोई है’ यांसारख्या मालिकांमधील त्यांच्या भूमिका प्रेक्षकांच्या विशेष लक्षात राहिल्या. त्यांनी विविध टीव्ही मालिका आणि चित्रपटांमध्येही काम केलं आहे. ते शेवटचे २०१७ मध्ये ‘त्रिदेवियां’ या चित्रपटात दिसले होते.

Actress Akshaya Gurav : हो आमचा घटस्फोट झालाय; अखेर अभिनेत्री अक्षया गुरव हिने मौन सोडलं म्हणाली “मला स्वत:ला…”