Tara Sutaria : गणित विषय अनेकांना कठीण वाटतो. मात्र गणितात अडचण येणे आणि डिस्कॅल्क्युलिया असणे या वेगळ्या गोष्टी आहेत. अभिनेत्री तारा सुतारियाने नुकत्याच दिलेल्या मुलाखतीत आपल्याला गणिताशी संबंधित शिकण्याची अडचण, म्हणजेच डिस्कॅल्क्युलिया असल्याचे सांगितले. आर्थिक व्यवहार आणि हिशोबाच्या बाबतीत तिचे वडील तसेच अकाउंट्स टीम तिला मदत करत असल्याचेही तिने सांगितले.

डिस्कॅल्क्युलिया हा एक विशिष्ट शिकण्याचा विकार (Specific Learning Disorder) आहे. यामध्ये व्यक्तीला संख्या, गणिती चिन्हे, मोजणी आणि गणिती संकल्पना समजून घेणे, लक्षात ठेवणे किंवा त्यांचा वापर करणे कठीण जाऊ शकते. याला अनौपचारिकपणे ‘मॅथ डिस्लेक्सिया’ असेही म्हटले जाते. मात्र याचा अर्थ व्यक्तीची बुद्धिमत्ता कमी आहे असा अजिबात होत नाही.

कोणत्या अडचणी येऊ शकतात?

संख्या ओळखणे किंवा मोजणी करण्यात अडचण
बेरीज, वजाबाकी, गुणाकार किंवा भागाकार कठीण जाणे
आकड्यांचा क्रम लक्षात ठेवण्यात अडचण
पैसे आणि आर्थिक व्यवहार समजण्यात गोंधळ
वेळ, तारीख किंवा अंतराचा अंदाज घेण्यात अडचण

घड्याळ वाचण्यात त्रास

डिस्कॅल्क्युलियासाठी एकच औषधोपचार नाही. मात्र लवकर ओळख, विशेष शैक्षणिक पद्धती, सराव आणि तज्ज्ञांची मदत यामुळे अडचणींचा दैनंदिन जीवनावर होणारा परिणाम कमी करता येतो. मुलाला गणितात अडचण असल्यास त्याला दोष न देता तज्ज्ञांकडून योग्य मूल्यांकन करून घेणे महत्त्वाचे आहे.

आजारावर उपचार आहे का?

जर या आजाराचे लवकर निदान झाले, तर उपचार शक्य आहे. थेरपिस्टच्या मदतीने ते थोडे कमी करता येऊ शकते. जर तुमच्या मुलासोबत असे होत असेल, तर प्रथम त्याची अडचण समजून घेण्याचा प्रयत्न करा आणि नंतर कोणत्याही डॉक्टरांशी संपर्क साधा.