Neeraj Chopra, Diamond League Final 2024 : भारताचा स्टार ॲथलीट नीरज चोप्रा पुन्हा एकदा आपला जलवा दाखवू शकतो. नीरज डायमंड लीग फायनल 2024 साठी पात्र ठरला आहे. डायमंड लीगचा अंतिम फेरी 13 आणि 14 सप्टेंबर रोजी ब्रुसेल्स येथे होणार आहे. ॲथलेटिक्समधील या सत्राची सांगता देखील या स्पर्धेने होणार आहे. सध्या तरी नीरजकडून या स्पर्धेबाबत कोणतेही वक्तव्य आलेले नाही. महत्त्वाची बाब म्हणजे पाकिस्तानचा अर्शद नदीम या स्पर्धेसाठी पात्र ठरू शकलेला नाही. मात्र, नीरजला अजूनही खडतर स्पर्धेला सामोरे जावे लागू शकते. नीरजसोबत अँडरसन पीटर्सही पात्र ठरला आहे.

नीरजने यंदा चारपैकी केवळ दोनच स्पर्धांमध्ये भाग घेतला होता. मात्र, असे असूनही तो पात्र ठरला आहे. नीरजने झुरिच डायमंड लीग 2024 मध्ये भाग घेतला नाही. रणनीती लक्षात घेऊन हा निर्णय घेतल्याचे त्यांनी सांगितले होते. डायमंड लीग फायनलसाठी पात्र होण्यासाठी टॉप 6 मध्ये राहणे आवश्यक असते. झुरिच डायमंड लीगनंतर गुणतालिकेत नीरज 14 गुणांसह चौथ्या क्रमांकावर राहिला. या कारणास्तव तो पात्र ठरला.

अर्शद ठरला अपात्र…

यावेळी नीरज आणि अर्शद नदीम या दोघांमध्ये स्पर्धा पहायला मिळणार नाही. भालाफेकच्या या स्पर्धेत पाकिस्तानचा अर्शद नदीम पात्र ठरू शकलेला नाही कारण अर्शद क्रमवारीत मागे पडला. पॅरिस ऑलिम्पिकमध्ये 92.97 मीटर फेक करून सुवर्णपदक जिंकणारा पाकिस्तानचा अर्शद नदीम केवळ पाच गुणांसह आठव्या स्थानावर राहिला. जर्मनीतील ग्रेनेडाचा अँडरसन पीटर्स या क्रमवारीत अव्वल स्थानावर आहे. जर्मनीचा ज्युलियन वेबर दुसऱ्या तर झेक प्रजासत्ताकचा जैकब वाडलेच तिसऱ्या क्रमांकावर आहे. नीरज चोप्रा चौथ्या क्रमांकावर आहे.

फायनलमध्ये नीरजला पीटर्सचं आव्हान….

अर्शदची अनुपस्थिती असूनही डायमंड लीगच्या फायनलमध्ये नीरज चोप्राला कडव्या स्पर्धेला सामोरे जावे लागू शकते. अँडरसन पीटर्सचा आतापर्यंतचा विक्रम उत्कृष्ट आहे. पॅरिस ऑलिम्पिक 2024 मध्ये त्याने कांस्यपदक जिंकले. वर्ल्ड चॅम्पियनशिपमध्ये त्याने दोन वेळा सुवर्णपदक जिंकले आहे. अँडरसनने 2019 आणि 2022 मध्ये सुवर्णपदक जिंकले होते.

AFG vs NZ one-off Test Match : न्यूझीलंड संघ भारतात दाखल…! अफगाण शैलीत झाले स्वागत, पहा Video

अशी ठरते पात्रता….

डायमंड लीगबद्दल सांगायचे तर डायमंड लीगच्या स्पर्धा वर्षातून चार ठिकाणी आयोजित केल्या जातात. या स्पर्धांचे आयोजन दोहा, पॅरिस, लॉसने आणि शेवटी झुरिच येथे केले जाते. डायमंड लीग फायनलसाठी पात्र होण्यासाठी चारही स्पर्धेनंतर गुणतालिकेत टॉप 6 मध्ये राहणे आवश्यक असते.

डायमंड लीगमध्ये अव्वल स्थानावरील खेळाडूला 8 गुण तर दुसऱ्या स्थानावरील खेळाडूला 7 गुण मिळतात. त्याचप्रमाणे एक स्थान घसरल्याने गुणही कमी होत राहतात.

नीरज चोप्राने दोहा डायमंड लीगमध्ये 88.36 मीटर तर लुसाने डायमंड लीगमध्ये 89.49 मीटर भालाफेक करून दुसरे स्थान पटकावले होते. तर नीरजने पॅरिस आणि झुरिच डायमंड लीगमध्ये फिटनेसच्या कारणास्तव भाग घेतला नव्हता. त्याप्रमाणे झुरिच डायमंड लीगनंतर नीरज चोप्रा 14 गुणांसह चौथ्या स्थानावर राहिला आणि पात्र ठरला.

डायमंड लीग साठी पात्र ठरलेले टाॅप-6 खेळाडू

अँडरसन पीटर्स – 29 गुण
ज्युलियन वेबर – 21 गुण
जैकब वाडलेच – 16 गुण
नीरज चोप्रा – 14 गुण
एंड्रियन मार्डेरे – 13 गुण
रोडरिक जेनकी डीन – 12 गुण

दरम्यान, चोप्राने 2022 आणि 2023 मध्ये डायमंड लीगची लुसाने स्पर्धेत विजय नोंदवला होता. गेल्या वर्षी अमेरिकेतील यूजीन येथे खेळल्या गेलेल्या डायमंड लीगच्या फायनलमध्ये त्याने दुसरे स्थान पटकावले होते. डायमंड लीग फायनलच्या विजेत्याला प्रतिष्ठित डायमंड ट्रॉफी, US$30,000 (तीन हजार अमेरिकी डाॅलर) आणि जागतिक ॲथलेटिक्स चॅम्पियनशिपसाठी वाइल्ड कार्ड मिळते. चोप्रा या हंगामाची सांगताही या फायनलने करणार आहे.

Australia tour of England, 2024 : ऑस्ट्रेलिया विरुद्धच्या टी-20 आणि वनडे मालिकेसाठी इंग्लंड संघाची घोषणा…

Top 5 : नीरज चोप्राचे कारकिर्दीतील सर्वोत्तम थ्रो

1. स्टॉकहोम डायमंड लीग 2022, (जून 30, 2022) : 89.94 मी.
2. लुसाने डायमंड लीग 2024, (ऑगस्ट 22, 2024) : 89.49 मी.
3. पॅरिस ऑलिंपिक 2024 (अंतिम फेरी), (ऑगस्ट 8, 2024) : 89.45 मी.
4. पॅरिस ऑलिंपिक 2024 (पात्रता फेरी), (ऑगस्ट6, 2024) : 89.34 मी.
5. पावो नुर्मी गेम्स 2022(तुर्कू), (14 जून, 2022) : 89.30 मी.