Dhurandhar Worldwide Collection | Dhurandhar : गेल्या काही दिवसांपासून चर्चेत असलेला अभिनेता रणवीर सिंग, अक्षय खन्ना आणि संजय दत्त यांच्या प्रमुख भूमिका असलेला ‘धुरंधर’ चित्रपट बॉक्स ऑफिसवर जोरदार कमाई करत आहे. प्रदर्शित झाल्यानंतर अवघ्या एका आठवड्यातच या चित्रपटाने देशात तसेच परदेशातही विक्रमी यश मिळवत धुमाकूळ घातला आहे. धुरंधरच्या प्रदर्शनापूर्वी धनुष आणि कृती सेननचा ‘तेरे इश्क में’ प्रदर्शित झाला होता, मात्र ५ डिसेंबर पासून ‘धुरंधर’ने बॉक्स ऑफिसवर जवळपास एकहाती कब्जा केला. फक्त सात दिवसांत चित्रपटाने भारतामध्ये २०० कोटींहून अधिक आणि जगभरात तब्बल ३०० कोटींच्या वर कमाई केली आहे. प्रेक्षकांचा जबरदस्त प्रतिसाद आणि तोंडी प्रशंसेमुळे चित्रपटाची कमाई दिवसेंदिवस वाढताना दिसत आहे. दिवस-कमाई : पहिला दिवस – २८ (कोटी रु.) दुसरा दिवस – ३२ (कोटी रु.) तिसरा दिवस – ४३ (कोटी रु.) चौथा दिवस – २४.३० (कोटी रु.) पाचवा दिवस – २८.६० (कोटी रु.) सहावा दिवस – २९.२० (कोटी रु.) सातवा दिवस – २९.४० (कोटी रु.) वर्ल्डवाइड कलेक्शन : मिळालेल्या अहवालानुसार, चित्रपटाने प्रदर्शनाच्या पहिल्या आठवड्यातच जगभरात ३०६.२५ कोटींची कमाई केली आहे. अधिकृत आकडेवारीत किंचित फरक असू शकतो, मात्र ‘धुरंधर’ने ग्लोबल स्तरावरही सिनेमागृहांत चाहत्यांची तुफान गर्दी खेचली आहे. ‘धुरंधर’ची कथा, सत्य घटनांनी प्रेरित… हा चित्रपट सत्य घटनांपासून प्रेरित असून कथा कराचीतील कुख्यात लियारी परिसरावर आधारित आहे. एकेकाळी पाकिस्तानातील सर्वात धोकादायक गुन्हेगारी हब म्हणून ओळखल्या जाणाऱ्या या भागातील माफिया, गँगवॉर, राजकीय खेळी आणि पाकिस्तान पुरस्कृत दहशतवाद यांचा मागोवा चित्रपटात घेतला आहे. अक्षय खन्ना दरोडेखोर रेहमानच्या भूमिकेत दमदार अभिनय करताना दिसतो. रणवीर सिंग, संजय दत्त, आर. माधवन आणि अर्जुन रामपाल यांच्याही महत्त्वाच्या भूमिका चित्रपटाची ताकद वाढवतात. सध्या सगळीकडे याच सिनेमाची चर्चा रंगली आहे.
