Dharmendra Net Worth : हिंदी चित्रपटसृष्टीचे ‘ही-मॅन’ म्हणून ओळखले जाणारे दिग्गज अभिनेता धर्मेंद्र यांनी वयाच्या ८९ व्या वर्षी जगाचा निरोप घेतला आहे. पडद्यावर आपल्या अभिनयाने रसिकांच्या मनावर राज्य करणाऱ्या या कलाकाराने, जाता-जाता स्वतःच्या मागे कोट्यवधी रुपयांची संपत्ती आणि एक मोठे व्यावसायिक साम्राज्य उभे केले आहे. माहितीनुसार, अभिनेता धर्मेंद्र यांची एकूण संपत्ती ३३५ ते ४५० कोटी रुपयांदरम्यान आहे. धर्मेंद्र हे केवळ एक यशस्वी अभिनेते नव्हते, तर ते एक कुशल व्यावसायिक (Businessman) देखील होते. त्यांनी अनेक क्षेत्रांत गुंतवणूक केली होती, ज्यात रेस्टॉरंट्स (Restaurants) पासून ते हॉस्पिटल क्षेत्रापर्यंतचा समावेश आहे. ‘गरम धरम ढाबा’ (Garam Dharam Dhaba) नावाच्या यशस्वी रेस्टॉरंट चेनची सुरुवात त्यांनी केली. आज हा एक मोठा ब्रँड बनला आहे. याशिवाय, त्यांनी करनाल महामार्गावर “He-Man” नावाचे रेस्टॉरंट देखील सुरू केले. या व्यावसायिक उपक्रमांमुळे त्यांच्या मालमत्तेत आणि उत्पन्नात मोठी वाढ झाली, हे त्यांनी सिद्ध केले की ते पडद्यावरील ‘ही-मॅन‘ असण्यासोबतच व्यावसायिक जगातही मोठे खेळाडू होते. धर्मेंद्र यांच्या एकूण मालमत्तेपैकी त्यांचे सर्वात महत्त्वाचे आणि महागडे मालमत्ता म्हणजे लोणावळ्यात (Lonavala) असलेले १०० एकरचे फार्महाऊस. तेथे ते अनेकदा वेळ घालवत असत. याशिवाय, त्यांच्याकडे महाराष्ट्रात ₹१७ कोटी किमतीची मालमत्ता आहे. त्यांनी ₹८८ लाख आणि ₹५२ लाख पेक्षा जास्त किमतीच्या कृषी (Agricultural) आणि बिगर-कृषी (Non-agricultural) जमिनींमध्येही गुंतवणूक केली होती. इकोनॉमिक टाइम्सच्या अहवालानुसार, धर्मेंद्र यांनी लोणावळ्यातील फार्महाऊसजवळ १२ एकर जमिनीवर ३० कॉटेज असलेले रिसॉर्ट बांधण्यासाठी एका रेस्टॉरंट कंपनीसोबत भागीदारी देखील केली होती. धर्मेंद्र फक्त त्यांच्या फार्महाऊसमुळेच नव्हे, तर त्यांच्या शानदार कार कलेक्शनमुळेही चर्चेत होते. त्यांच्या कलेक्शनमध्ये मर्सिडीज-बेंझ एस-क्लास (Mercedes-Benz S-Class), मर्सिडीज-बेंझ SL500 (Mercedes-Benz SL500) आणि लँड रोव्हर रेंज रोव्हर (Land Rover Range Rover) यांसारख्या आलिशान गाड्यांचा समावेश होता. बॉलिवूडमधील एक युग आज संपले असून, धर्मेंद्र यांच्या चाहत्यांसाठी हा मोठा धक्का आहे. चित्रपटसृष्टीतील त्यांच्या योगदानासोबतच, एक यशस्वी उद्योजक म्हणूनही त्यांची आठवण कायम राहील.
