Dhananjay Munde : राज्याचे कृषिमंत्री धनंजय मुंडे यांना पित्ताशयाचा त्रास झाल्यामुळे मुंबईतील गिरगाव येथील रुग्णालयात दाखल केले होते. मागील दोन दिवसांपासून त्यांच्यावर उपचार करण्यात येत असून पित्ताशयाची पिशवी काढण्याची शस्त्रक्रिया रविवारी पार पडली आहे.

त्यांना अनेक दिवसांपासून पित्त आणि पोटदुखीचा त्रास होता. मात्र सतत दौरे, सभा, कामकाज यामुळे प्रकृतीकडे दुर्लक्ष होत होते. मात्र आता पोटदुखीचा त्रास वाढल्याने शस्त्रक्रिया करावी लागली आहे.

धनंजय मुंडे यांना 24 जुलैला दवाखान्यात दाखल करण्यात आले होते, त्यानंतर 26 जुलैला त्यांच्यावर शस्त्रक्रिया करण्यात आली. धनंजय मुंडे यांची प्रकृती आता स्थिर आहे. डॉक्टरांनी त्यांना आणखी चार ते पाच दिवस रुग्णालयातच विश्रांती आणि पुढील उपचार घेण्याचा सल्ला दिला आहे.

दरम्यान, राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांनी धनंजय मुंडे यांच्या तब्येतीची फोनद्वारे विचारपूस करत काळजी घेण्याचा सल्ला दिला आहे