Maharashtra Govt Jobs : राज्यातील बेरोजगार तरुणांसाठी महत्त्वाची बातमी समोर आली आहे. आदिवासी क्षेत्रातील रिक्त पदांची भरती प्रक्रिया वेगाने राबवण्याचे निर्देश मुख्यमंत्री देवेंद्र फडणवीस यांनी दिले आहेत. त्यामुळे आगामी काळात सरकारी नोकरीच्या संधी उपलब्ध होण्याची शक्यता आहे. (Maharashtra Govt Jobs)

मुख्यमंत्री फडणवीस यांच्या अध्यक्षतेखाली मंत्रालयात आदिवासी क्षेत्रातील (पेसा) रिक्त पदांबाबत महत्त्वाची बैठक पार पडली. या बैठकीत विविध शासकीय विभागांमध्ये अधिसंख्य पदांवर कार्यरत कर्मचाऱ्यांची तसेच त्यानुषंगाने उपलब्ध असलेल्या मूळ रिक्त पदांची सविस्तर माहिती दोन आठवड्यांच्या आत सादर करण्याचे निर्देश देण्यात आले. (Maharashtra Govt Jobs)

आदिवासी क्षेत्रातील रिक्त पदांची भरती सहा महिन्यांत

आदिवासी क्षेत्रातील रिक्त पदांची भरती प्रक्रिया सहा महिन्यांच्या आत पूर्ण करण्यासाठी आवश्यक कार्यवाही करा, असे आदेश मुख्यमंत्री फडणवीस यांनी दिले आहेत. प्रत्येक विभागाने अधिसंख्य पदांवर किती कर्मचारी कार्यरत आहेत, त्यापैकी किती जण निवृत्त झाले आहेत आणि त्यानुसार किती मूळ पदे रिक्त आहेत, याची अचूक माहिती संकलित करण्याचे निर्देशही देण्यात आले. (Maharashtra Govt Jobs)

ही माहिती मुख्य सचिव कार्यालयाकडे सादर केल्यानंतर संबंधित विभागांनी रिक्त पदांवरील भरतीसाठी आवश्यक तयारी करावी, असेही मुख्यमंत्री फडणवीस यांनी स्पष्ट केले. (Maharashtra Govt Jobs)

भरतीची वेळमर्यादा बदलणार नाही

भरती प्रक्रियेसाठी निश्चित करण्यात आलेली कालमर्यादा कोणत्याही परिस्थितीत बदलली जाणार नाही. त्यामुळे सर्व संबंधित विभागांनी ठरलेल्या वेळेत माहिती सादर करून भरती प्रक्रियेची तयारी पूर्ण करावी, असे निर्देश देण्यात आले आहेत. (Maharashtra Govt Jobs)

६,८६० कर्मचाऱ्यांच्या नियुक्त्यांचा प्रश्न

बैठकीत अनुसूचित जमाती प्रवर्गातील नियुक्त्यांच्या पडताळणी प्रक्रियेबाबतही चर्चा झाली. २०१५ मध्ये झालेल्या आढाव्यात काही कर्मचाऱ्यांनी जात वैधता प्रमाणपत्र सादर केले नसल्याचे समोर आले होते. त्यानंतर २०१९ मध्ये झालेल्या पडताळणीत वैधता प्रमाणपत्र नसलेल्या सुमारे ६,८६० कर्मचाऱ्यांचा प्रश्न समोर आला. यापैकी १,३४६ पदे भरलेली असल्याची माहिती देण्यात आली. (Maharashtra Govt Jobs)

मुख्यमंत्री फडणवीस यांच्या या निर्देशांमुळे आदिवासी क्षेत्रातील रिक्त पदांच्या भरतीला वेग येण्याची शक्यता असून, सरकारी नोकरीच्या प्रतीक्षेत असलेल्या तरुणांचे या प्रक्रियेकडे लक्ष लागले आहे. (Maharashtra Govt Jobs)

Maharashtra Govt Jobs : महाराष्ट्र सरकारचा मोठा निर्णय! 2 लाखांहून अधिक पदांना मंजुरी, महिलांसाठी सुवर्णसंधी

Maharashtra Govt : सर्वसामान्यांसाठी नेहमीच आवाज उठविणार – विरोधी पक्षनेते विजय वडेट्टीवार