Devendra Fadnavis : दिल्लीतील जंतरमंतर येथे झालेल्या विद्यार्थी आंदोलनानंतर भाजपने राष्ट्रीय पातळीवर गंभीर विचारमंथन आणि आवश्यक उपाययोजना राबवण्यास सुरुवात केली आहे. यामुळे लवकरच भाजप पक्षसंघटनेची सर्वोच्च समिती असणाऱ्या संसदीय मंडळात काही बदल केले जाण्याची शक्यता आहे. (Devendra Fadnavis)

यावेळी महाराष्ट्राचे प्रतिनिधी म्हणून मुख्यमंत्री देवेंद्र फडणवीस यांचा समावेश भाजपच्या संसदी मंडळात होऊ शकतो, अशी चर्चा राजकीय वर्तुळात सूरु आहे. यापूर्वी केंद्रीयमंत्री नितीन गडकरी हे भाजपच्या संसदीय मंडळात होते. (Devendra Fadnavis)

मात्र, ते बाहेर झाल्यानंतर महाराष्ट्राचा एकही नेता याठिकाणी नव्हता. त्यामुळे आता भाजपकडून फडणवीस यांना या मंडळात संधी दिली जाऊ शकते, अशी चर्चा आहे. भाजपचे राष्ट्रीय अध्यक्ष नितीन नवीन यांनी अलीकडेच भाजपची नवी राष्ट्रीय कार्यकारिणी जाहीर केली होती. (Devendra Fadnavis)

त्यानंतर आता भाजपच्या संसदीय मंडळात बदल अपेक्षित आहेत. नवीन यांच्याकडून लवकरच यासंदर्भात घोषणा केली जाऊ शकते. त्यामध्ये फडणवीस यांचे नाव आघाडीवर असल्याचे मानले जात आहे. (Devendra Fadnavis)

दरम्यान, तीन निवडणुकांमध्ये भाजपला 100 प्लस जागा निवडून देणारे फडणवीस हे एकमेव मुख्यमंत्री आहेत. या सातत्यपूर्ण कामगिरीमुळे केंद्रातील फडणवीस यांचे वजन वाढले आहे. त्यामुळेच फडणवीस यांना संसदीय मंडळात स्थान मिळण्याची शक्यता आहे. (Devendra Fadnavis)

या नियुक्तीला राष्ट्रीय स्वयंसेवक संघाचाही पाठिंबा असल्याचे समजते. गेल्या अनेक दिवसांपासून फडणवीस दिल्लीला केंद्र सरकारमध्ये जाण्याची जोरदार चर्चा सुरु आहे. (Devendra Fadnavis)

धर्मेंद्र प्रधान यांच्या राजीनाम्यानंतर देवेंद्र फडणवीस हे नवे शिक्षणमंत्री होतील, असेही सांगितले जात होते. मात्र, फडणवीस हे वारंवार आपण महाराष्ट्रातच राहणार असल्याचे सांगत आहेत. तरीही फडणवीसांच्या दिल्लीला जाण्याच्या चर्चा थांबलेल्या नाहीत. (Devendra Fadnavis)

Devendra Fadnavis : 2029 पूर्वीच फडणवीस पंतप्रधान होणार?; बड्या नेत्याच्या दाव्याने राजकीय वर्तुळात खळबळ