Delhi News – राजधानी दिल्लीतील महिलांना दरमहा २५०० रुपये देणारी महिला समृद्धी योजना सुरू करण्याचा निर्णय दिल्ली सरकारच्या मंत्रिमंडळाच्या दुसऱ्या बैठकीत म्हणजे आज घेण्यात आला. दिल्ली प्रदेश महिला मोर्चाने जवाहरलाल नेहरू स्टेडियममध्ये आयोजित महिला दिनाच्या कार्यक्रमात याची घोषणा करण्यात आली. या योजनेचा लाभ घेण्यासाठी महिलांची नोंदणी सुरू केली जाईल. महिलांच्या हितासाठी इतर घोषणाही आज करण्यात आल्या.

भारतीय जनता पार्टीचे राष्ट्रीय अध्यक्ष आणि केंद्रीय मंत्री जेपी नड्डा यांनी शनिवारी जेएलएन स्टेडियममध्ये दिल्लीतील महिलांना देण्यात येणाऱ्या २५०० रुपयांच्या पहिल्या हप्त्याचा शुभारंभ केला. दिल्ली सरकारच्या मंत्रिमंडळ बैठकीत महिला समृद्धी योजनेसाठी पाच हजार शंभर कोटी रुपये मंजूर करण्यात आले आहेत. पंतप्रधानांनी महिला समृद्धी योजना आणण्याचे आश्वासन दिले होते. पक्षाच्या घोषणा पत्रातही हे आश्वासन देण्यात आले होते.

रेखा गुप्ता यांच्या सरकारच्या मंत्रिमंडळाने यासाठी पाच हजार शंभर कोटी रूपयांची तरतूद केली आहे. महिला सक्षमीकरणाचे काम सुरू झाले आहे. यावेळी मुख्यमंत्री रेखा गुप्ता यांच्या अध्यक्षतेखाली आराखडा तयार करण्यासाठी एक समिती स्थापन करण्यात आली आहे, ज्यामध्ये आशिष सूद, प्रवेश वर्मा, कपिल मिश्रा या मंत्र्यांचा समावेश करण्यात आला आहे.

जेएलयूवर उपस्थित असलेल्या गर्दीला संबोधित करताना नड्डा म्हणाले की, दिल्लीत भाजप सरकारच्या स्थापनेत महिलांनी मोठी भूमिका बजावली आहे. दिल्लीतील महिलांशिवाय भाजपचा विजय शक्य नव्हता. महिलांच्या मनात आत्मविश्वास निर्माण झाल्याशिवाय विकसित भारत शक्य नाही. येणाऱ्या काळात ३३ टक्के महिला लोकसभेच्या सदस्य होतील. ज्या देशात महिलांचा आदर केला जात नाही, तो देश कधीच प्रगती करत नाही.

मुख्यमंत्री रेखा गुप्ता म्हणाल्या, आज जेव्हा मी या सभागृहात आले तेव्हा मी खूप भावनिक झाले. आज महिला दिनी, हा सर्वात मोठा सन्मान आहे. एका महिलेला दिल्लीचे मुख्यमंत्री बनवण्यात आले आहे. शिक्षण, सुरक्षा आणि समृद्धीसाठी मी सर्वतोपरी प्रयत्न करेन. माझ्या बहिणींची सुरक्षा ही माझी जबाबदारी आहे. दिल्लीच्या विकासासाठी आरोग्य आणि इतर कामांसाठी एक रोडमॅप तयार करण्यात आला आहे.