“कोणतेही सरकार आले तरी आम्ही त्यांच्यासोबतच..” ; निकालाआधीच रॉबर्ट वाड्रांकडून काँग्रेसच्या पराभवाचे संकेत
Delhi Election Result ।काँग्रेस खासदार प्रियंका गांधी यांचे पती रॉबर्ट वाड्रांनी दिल्ली विधानसभा निवडणुकीत काँग्रेसविषयी भविष्यवाणी वर्तवली आहे. त्यांनी या निकालावर प्रतिक्रिया देताना काँग्रेसचा पराभव होणार असल्याचे मान्य केल्याचे दिसून येत आहे.
कारण त्यांच्या एका विधानावरून हे स्पष्ट झाले.
काँग्रेस त्यांच्यासोबत एकत्र काम करेल Delhi Election Result ।
रॉबर्ट वाड्रा यांनी आपल्याला काँग्रेसची वास्तविकता माहित असल्याचे म्हटले. तसेच सुरुवातीचे कल बाहेर येण्यापूर्वीच त्यांनी, ‘दिल्लीतील जनता ज्याला निवडेल, काँग्रेस त्यांच्यासोबत एकत्र काम करेल” असे म्हणत सरळ सरळ काँग्रेसच्या पराभवाचे संकेत दिले आहेत.
#WATCH | As counting of votes in Delhi elections begins, businessman Robert Vadra says, “..The people of Delhi want relief from pollution, security for women, and better infrastructure. Congress and its leaders will work for the development of Delhi. There are talks of… pic.twitter.com/PasJM2eon8
— ANI (@ANI) February 8, 2025
याविषयी बोलताना रॉबर्ट वाड्रा यांनी, ‘दिल्लीतील जनता कोणताही पक्ष निवडो, त्यांनी त्याचे पालन केले पाहिजे. दिल्लीत कोणतेही सरकार सत्तेत आले तरी काँग्रेस नेते त्यांच्यासोबत काम करतील. खरेदी-विक्रीचे राजकारण असू नये. प्रदूषण आणि महिला सुरक्षेवर काम केले पाहिजे. जे काही आश्वासने दिली गेली आहेत, ती सर्व अंमलात आणली पाहिजेत. रॉबर्ट वड्रा यांच्या या विधानावरून हे स्पष्ट होते की त्यांना माहित आहे की दिल्ली निवडणुकीत काँग्रेस काहीही लक्षणीय साध्य करणार नाही.
“कोणताही व्यापार होऊ नये” Delhi Election Result ।
वाड्रा पुढे म्हणाले, ‘मी असेही म्हणेन की प्रदूषण ही सर्वात मोठी समस्या आहे, त्याकडे लक्ष द्या. आता, जे कोणाला खरेदी करायचे आणि सरकार स्थापन करण्यासाठी काय करायचे यावर भांडण होत आहे हे घडू नये. लोकांनी दिलेले मत महत्त्वाचे आहे. कोणताही पक्ष आला तरी त्याने लोकांच्या हिताचे काम केले पाहिजे. दिल्ली ही आपली राष्ट्रीय राजधानी आहे. संपूर्ण जग दिल्लीकडे पाहत आहे. प्रदूषण, पायाभूत सुविधा, महिलांची असुरक्षितता इत्यादींमुळे नवीन पिढी त्रस्त आहे. जर हे सर्व व्यवस्थित झाले तर तरुण दिल्ली सोडणार नाहीत.” असेही त्यांनी यावेळी म्हटले.
हेही वाचा
दिल्लीत भाजपची मोठी आघाडी ! आप आणि काँग्रेस पिछाडीवर ; अरविंद केजरीवालही मागे
