Daler Mehndi VIDEO : एवढी दारु ढोसलीस.! दलेर मेहंदी यांना भर कार्यक्रमात मंत्र्यांनी सुनावलं; नेमकं काय घडलं?
१८ ऑक्टोबरच्या रात्री उत्तराखंडमधील टिहरी जिल्ह्यातील कुंजापुरी मेळ्यात दलेर मेहंदी यांचा सांस्कृतिक कार्यक्रम आयोजित करण्यात आला होता. यावेळी ते आपल्या गाण्यांचं सादरीकरण करत होते.
Daler Mehndi VIDEO : प्रसिद्ध पंजाबी गायक दलेर मेहंदी यांच्या दमदार आवाजावर आणि त्यांच्या गाण्यांवर आजही चाहते थिरकतात. ‘बोलो ता रा रा’, ‘तुनक तुनक तुन’ यांसारख्या गाण्यांनी संगीतविश्वात आपली वेगळी ओळख निर्माण करणाऱ्या या गायकाच्या कार्यक्रमात मात्र यावेळी गाण्यांपेक्षा वादाचीच अधिक चर्चा रंगली आहे.
हजारो रुपयांची नव्हे, तर तब्बल ३५ लाख रुपयांचं मानधन घेऊनही अपेक्षित सादरीकरण केलं नाही, असा गंभीर आरोप उत्तराखंडचे कॅबिनेट मंत्री सुबोध उनियाल यांनी केला आहे. विशेष म्हणजे, हा आक्षेप त्यांनी कार्यक्रम संपल्यानंतर नव्हे, तर दलेर मेहंदी गात असतानाच थेट मंचावर जाऊन नोंदवला.
Daler Mehndi
उत्तराखंडमधील नवी टिहरी येथे आयोजित सिद्धपीठ माँ कुंजापुरी पर्यटन आणि विकास मेळ्यात हा प्रकार घडला. नवरात्रीच्या धार्मिक वातावरणात सुरू असलेल्या सांस्कृतिक कार्यक्रमात दलेर मेहंदी यांच्या सादरीकरणावर मंत्र्यांनी प्रश्न उपस्थित केले.
दिलेर मेहंदी पर फूटा कैबिनेट मंत्री सुबोध उनियाल का गुस्सा
उत्तराखंड में एक कार्यक्रम के दौरान मशहूर पंजाबी सिंगर दिलेर मेहंदी को भजन गाने के लिए बुलाया गया था। जहां मौजूद मंत्री सुबोध उनियाल ने कहा, बोल तो पा नहीं रहे गाना क्या गाओगे!
आखिर क्यों नहीं बोल पा रहे थे दिलेर मेहंदी?
— Bhupi Panwar (@askbhupi) October 19, 2026
गायक प्रत्यक्ष गाण्याऐवजी रेकॉर्ड केलेल्या गाण्यांवर केवळ ओठांची हालचाल करत असल्याचा आरोप त्यांनी केला. एवढंच नव्हे, तर गायक मंचावर अस्वस्थ दिसत असल्याचंही त्यांनी म्हटलं. या घटनेचा व्हिडीओ सोशल मीडियावर व्हायरल झाल्यानंतर दलेर मेहंदी यांच्या सादरीकरणावर आणि कलाकारांच्या जबाबदारीवर नव्याने चर्चा सुरू झाली आहे.
नेमकं काय घडलं?
मिळालेल्या वृत्तानुसार, १८ ऑक्टोबरच्या रात्री उत्तराखंडमधील टिहरी जिल्ह्यातील कुंजापुरी मेळ्यात दलेर मेहंदी यांचा सांस्कृतिक कार्यक्रम आयोजित करण्यात आला होता. यावेळी ते आपल्या गाण्यांचं सादरीकरण करत होते.
मात्र, त्यांच्या सादरीकरणावर नाराजी व्यक्त करत कॅबिनेट मंत्री सुबोध उनियाल थेट मंचावर पोहोचले. गायकाच्या सादरीकरणावर आक्षेप घेत त्यांनी कार्यक्रमासाठी आलेल्या प्रेक्षकांच्या अपेक्षांचा उल्लेख केला.
#WATCH | Uttarakhand: On a viral video of him losing his cool at singer Daler Mehndi at an event, State Minister Subodh Uniyal says, “He is a big artist. If a big artist doesn’t do justice to their art…He seemed disoriented on stage and didn’t seem to be able to even keep standing. Besides this, he was only lip-syncing to his songs. I told him that he is a big artist and he should do justice to his art; he had been offered Rs 35 lakh to come and perform, but he was not even singing. So, I expressed my resentment…”
— ANI (@ANI) October 19, 2026
मंत्र्यांच्या म्हणण्यानुसार, प्रेक्षक दलेर मेहंदी यांची गाणी प्रत्यक्ष ऐकण्यासाठी आले होते. त्यामुळे केवळ रेकॉर्ड केलेल्या गाण्यांवर ओठांची हालचाल करण्याऐवजी कलाकाराने प्रत्यक्ष गायन करून आपल्या कलेला न्याय द्यायला हवा.
गायक मंचावर व्यवस्थित दिसत नसल्याचं आणि त्यांचं सादरीकरण अपेक्षेप्रमाणे होत नसल्याचंही उनियाल यांनी म्हटलं. या घटनेदरम्यान मंत्री आणि गायक यांच्यात झालेला संवाद कॅमेऱ्यात कैद झाला असून, त्याचे व्हिडीओ सध्या सोशल मीडियावर चर्चेचा विषय ठरत आहेत.
मंत्र्यांनी माध्यमांशी बोलताना गायकाला कार्यक्रमासाठी ३५ लाख रुपये देण्यात आल्याचं सांगितलं. एवढी मोठी रक्कम देऊन एखाद्या लोकप्रिय कलाकाराला कार्यक्रमासाठी आमंत्रित केलं जात असेल, तर त्याने आपल्या कलेला आणि प्रेक्षकांच्या अपेक्षांना न्याय देणं आवश्यक आहे, अशी भूमिका त्यांनी मांडली.
मद्यप्राशन केल्याचा आरोप :
या वादाला आणखी एक गंभीर पैलू आहे. सुबोध उनियाल यांनी दलेर मेहंदी यांच्यावर मद्यप्राशन करून कार्यक्रमात आल्याचा आरोप केल्याचं वृत्त आहे. मंचावर ते अस्वस्थ दिसत असल्याचा दावा करत मंत्र्यांनी त्यांच्या वर्तनावर आक्षेप घेतला. नवरात्रीच्या धार्मिक कार्यक्रमात शिस्त आणि प्रतिष्ठा राखली गेली पाहिजे, असंही त्यांनी अधोरेखित केलं.
मात्र, दलेर मेहंदी यांनी मद्यप्राशन केलं होतं, या आरोपाची स्वतंत्रपणे पुष्टी झालेली नाही. त्यामुळे हा दावा सिद्ध झालेली बाब म्हणून मांडता येत नाही. या घटनेच्या पार्श्वभूमीवर गायकाची अधिकृत प्रतिक्रिया काय असणार, याकडेही चाहत्यांचं लक्ष लागलं आहे.
