पुणे – 5 ऑक्टोबरपासून भारतात एकदिवसीय विश्वचषकाच्या 11व्या आवृत्तीला सुरुवात झाली. पाकिस्तान क्रिकेट संघाशिवाय तिथले तज्ज्ञ, चाहते आणि अँकरही या स्पर्धेसाठी भारतात आले आहेत. बाबर आझमच्या नेतृत्वाखाली पाकिस्तानी संघाने विजयी सुरुवात केली आहे. त्यांनी पहिल्याच सामन्यात नेदरलँड्सचा पराभव केला आहे. त्यांना मंगळवारी (10 ऑक्टोबर) हैदराबादमध्ये श्रीलंकेविरुद्ध दुसरा सामना खेळायचा आहे.  यादरम्यान एक मोठा वाद समोर आला आहे.

पाकिस्तानची प्रसिद्ध अँकर जैनब अब्बास (Zainab Abbas) हिला विश्वचषकातून बाहेर काढण्यात आले असून तिला सुरक्षितपणे भारताबाहेर पाठवण्यात आले आहे. जैनबने भारतविरोधी ट्विट केल्यामुळे तिला तिथून हाकलून दिल्याचा खुलासा पाकिस्तानच्या वृत्तवाहिनी समा टीव्हीने केला आहे. तिच्यावर आरोप आहेत की, तिने भारत आणि हिंदू धर्माविरोधात खूप आधी काही ट्विट केले होते. याप्रकरणी एका वकिलाने तिच्याविरुद्ध गुन्हा दाखल केला होता. या कारणास्तव तिला भारतातून हद्दपार करण्यात आले आहे.

‘आयसीसी’ सुध्दा करू शकत नाही हस्तक्षेप …

मिडिया रिपोर्ट्सनुसार, जैनबने तिच्या ट्विटमध्ये भारताचा अपमान केला होता. याशिवाय तिने हिंदू देवी-देवतांचाही अपमान केला. याच कारणामुळे तिला विश्वचषकातून हटवण्यात आले आहे.

Complaint against @ZAbbasOfficial filed by Advocate & Social Activist @vineetJindal19 with cyber cell Delhi Police.Requesting to lodge FIR under section 153A,295,506,121 IPC and sec67 IT Act for making derogatory remarks for Hindu faith and beliefs and for anti -Bharat… https://t.co/vctiV98wBT pic.twitter.com/f9C6I0OMuD

— Adv.Vineet Jindal (@vineetJindal19) October 5, 2023

जैनबचा आयसीसीच्या ब्रॉडकास्ट टीममध्ये समावेश करण्यात आला होता. पाकिस्तानच्या पहिल्या सामन्यादरम्यान ती स्टेडियममध्ये दिसली होती. आंतरराष्ट्रीय क्रिकेट परिषद (ICC) देखील या प्रकरणावर काहीही करू शकणार नाही, कारण हा देशांमधील वाद आहे.

जैनब मेकअप आर्टिस्ट देखील आहे…

जैनब बऱ्याच काळापासून क्रिकेटचे अँकरिंग करत आहे आणि अनेक मोठ्या टूर्नामेंटमध्ये  ती दिसली आहे. ती एका मुलाची आई देखील आहे, पण क्रिकेटला खूप समर्पित आहे. जैनब एक क्रिकेट अँकर असण्यासोबतच मेकअप आर्टिस्ट देखील आहे.

तिचे वडील नासिर अब्बास हे क्रिकेटपटू राहिले आहेत. जैनबचे पाकिस्तानसह अनेक देशांमध्ये चाहते आहेत, मात्र यावेळी ती भारतात एका वेगळ्याच वादात अडकली आहे.