BCCI secretary Jay Shah reappointed as chairman of Asian Cricket Council : बीसीसीआयचे सचिव जय शाह तिसऱ्यांदा आशियाई क्रिकेट परिषदेचे (ACC) अध्यक्ष बनले आहेत. त्यांचा कार्यकाळ एक वर्षासाठी वाढवण्यात आला आहे. याबाबतचा निर्णय बुधवारी झालेल्या वार्षिक सर्वसाधारण सभेत एकमताने घेण्यात आला.
श्रीलंका क्रिकेट (SLC) चे अध्यक्ष शम्मी सिल्वा यांनी जय शाह यांच्या कार्यकाळाच्या विस्ताराचा प्रस्ताव दुसऱ्यांदा मांडला होता आणि नामांकनाला ACC च्या सर्व सदस्यांनी एकमताने पाठिंबा दिला होता.
शाह यांनी जानेवारी 2021 मध्ये बांगलादेश क्रिकेट बोर्डाचे अध्यक्ष नझमुल हसन यांच्याकडून ACC ची सूत्रे हाती घेतली, ज्यामुळे ते ACC अध्यक्ष म्हणून पुन्हा नियुक्त होणारे सर्वात तरुण प्रशासक बनले. शाह यांच्या नेतृत्वाखाली ACC ने संपूर्ण आशियाई प्रदेशात क्रिकेटचा प्रचार आणि विकास करण्यात लक्षणीय प्रगती साधली आहे. आशियाई क्रिकेट परिषदेने (ACC ) 2022 मध्ये T20 (टी-20) फॉरमॅटमध्ये आणि 2023 मध्ये ODI(एकदिवसीय) फॉरमॅटमध्ये आशिया चषक यशस्वीरित्या आयोजित केले, ज्यामध्ये मोठ्या क्रिकेट स्पर्धांचे आयोजन करण्यात आशियाची क्षमता दिसून आली.
श्रीलंका क्रिकेट अध्यक्षांनी केले कौतुक….
श्रीलंका क्रिकेटचे अध्यक्ष शम्मी सिल्वा म्हणाले, “जय शाह यांनी ACC ला संपूर्ण आशियाई प्रदेशात क्रिकेटला चालना देण्यासाठी आणि विकसित करण्यात महत्त्वपूर्ण प्रगती साधण्यात महत्त्वाची भूमिका बजावली आहे. जय शाह यांच्या मार्गदर्शनाखाली, ACC ने बांगलादेश, भारत, पाकिस्तान आणि श्रीलंका यांसारख्या क्रिकेट महासत्तेमधील नवीन प्रतिभा असेललेले खेळाडू समोर आणण्यातआणि त्यांना प्रोत्साहन देण्यात महत्त्वाची भूमिका बजावली आहे.”
हेही वाचा : आयसीसीच्या Chairman पदावर जय शाहची नजर, त्यासाठी देऊ शकतात ‘या’ पदाचा राजीनामा….
जय शहा यांनी मानले सर्वांचे आभार…
सर्वांचे आभार व्यक्त करताना जय शहा म्हणाले,”एसीसी बोर्डाने दाखविलेल्या विश्वासाबद्दल मी त्यांचा आभारी आहे. खेळाचा सर्वांगीण विकास सुनिश्चित करण्यासाठी आपण कटिबद्ध राहिले पाहिजे आणि ज्या भागात तो अजूनही विकास झालेला नाही त्या क्षेत्रांवर विशेष लक्ष केंद्रित केले पाहिजे. एसीसी संपूर्ण आशियामध्ये क्रिकेटचा विकास करत राहील तसेच त्यासाठी प्रोत्साहन देण्यासाठी एसीसी वचनबद्ध आहे.”