VVS Laxman Statement : “आम्हाला बळीचा बकरा बनवू नका…”; दुखापतींच्या वादात सापडलेल्या ‘सेंटर ऑफ एक्सीलन्स’बाबत लक्ष्मणचे मोठे वक्तव्य
VVS Laxman Statement : व्हीव्हीएस लक्ष्मण यांच्यासोबत एक महत्त्वाची पत्रकार परिषद घेतली, ज्यात लक्ष्मण यांनी मीडियाच्या सर्व प्रश्नांची सडेतोड उत्तरे दिली.
VVS Laxman Statement Press Conference Center Of Excellence Players Injury Update : भारतीय क्रिकेट संघातील खेळाडूंच्या दुखापतींचे सत्र सध्या थांबण्याचे नाव घेत नाहीये. जसप्रीत बुमराहपाठोपाठ फॉर्मात असलेला फलंदाज साई सुदर्शनही श्रीलंका कसोटी मालिकेतून बाहेर पडल्याने बंगळुरू येथील ‘सेंटर ऑफ एक्सीलन्स’ संशयाच्या भोऱ्यात सापडले होते. संघातल्या तब्बल १३ खेळाडूंच्या फिटनेसवर प्रश्नचिन्ह उपस्थित होत असताना, बीसीसीआयचे सचिव देवजीत सैकिया यांनी तातडीने बंगळुरू गाठले. तेथे त्यांनी सीओईचे प्रमुख व्हीव्हीएस लक्ष्मण यांच्यासोबत एक महत्त्वाची पत्रकार परिषद घेतली, ज्यात लक्ष्मण यांनी मीडियाच्या सर्व प्रश्नांची सडेतोड उत्तरे दिली.
“सीओई म्हणजे फक्त रिहॅब सेंटर नाही!”
खेळाडूंच्या दुखापतींवर आणि संथ रिकव्हरीवर थेट उत्तर देताना व्हीव्हीएस लक्ष्मण म्हणाले, “पहिली गोष्ट म्हणजे, सेंटर ऑफ एक्सीलन्स हे केवळ खेळाडूंचे रिहॅब सेंटर (Rehab Center) नाही. दुखापती हा खेळाचा एक अविभाज्य भाग आहेत. मैदानावर खेळताना खेळाडू दुखापतग्रस्त होणारच; त्यामुळे या परिस्थितीसाठी आम्हाला कोणालाही बळीचा बकरा बनवणे पूर्णपणे चुकीचे आहे.”
🔴 DON’T BLAME ANYONE OVER INDIA’S INJURY CRISIS 🤯
VVS Laxman🎙️: Don’t use the word blame- you’re finding someone as a scapegoat. He says there is brilliant coordination b/w COE, team management, Sports Science & Medicine staff & selectors.
Laxman also clarified that players… pic.twitter.com/SYbIpRz4NO
— Sam (@cricsam02) August 9, 2026
१३ खेळाडूंच्या दुखापतींनी वाढवले टेन्शन!
🔴EVERY PLAYER MUST PASS THE BRONCO TEST TO PLAY FOR INDIA?🤯
🎙️: BCCI CoE Head VVS Laxman revealed that all contracted and targeted players undergo a series of fitness tests before the season. It helps us know which players are fit and which players are not.
Bronco Test is… pic.twitter.com/aPDAPcOE2C
— Sam (@cricsam02) August 9, 2026
श्रीलंका दौऱ्यापूर्वी टीम इंडियाचे महत्त्वाचे मोहरे दुखापतीच्या जाळ्यात अडकले आहेत. बुमराह आणि सुदर्शन यांच्यासह हर्षित राणा, नितीश कुमार रेड्डी आणि वॉशिंग्टन सुंदर हे स्नायूंच्या दुखापतीमुळे (Muscle Strain) कसोटी मालिकेतून बाहेर पडले आहेत. मर्यादित षटकांच्या क्रिकेटमधील तगडे खेळाडू हार्दिक पंड्या, वरुण चक्रवर्ती आणि प्रिन्स यादव हे देखील सध्या सीओईमध्ये तंदुरुस्त होण्यासाठी संघर्ष करत आहेत. एकूण १३ खेळाडू एकाच वेळी अनफिट असल्याने क्रिकेट वर्तुळात चिंता व्यक्त केली जात आहे.
आता या सर्व प्रमुख खेळाडूंच्या अनुपस्थितीत भारतीय संघ १५ ऑगस्टपासून गॉल येथे श्रीलंकेविरुद्ध पहिली कसोटी खेळणार आहे, तर दुसरी कसोटी २३ ऑगस्टपासून कोलंबोमध्ये रंगणार आहे.
