Cricket Memorabilia Auction Prices : महेंद्र सिंग धोनीने 2011 च्या एकदिवसीय विश्वचषकात श्रीलंकेविरुद्ध षटकार मारून भारताला विजय मिळवून दिला होता. त्या सामन्यात धोनीने वापरलेली बॅट 1.19 कोटी रुपयांना विकली गेली होती. मात्र, काही क्रिकेटपटूंच्या वस्तू यापेक्षा कितीतरी महागड्या किंमतीला विकल्या गेल्या आहेत. यामध्ये सर डोनाल्ड ब्रॅडमन आणि शेन वॉर्न यांच्या कॅपचा समावेश आहे.

शेन वॉर्नची बॅगी ग्रीन कॅप (5.79 कोटी रुपये) : ऑस्ट्रेलियाचा दिग्गज फिरकीपटू शेन वॉर्नची बॅगी ग्रीन कॅ 2020 मध्ये लिलावात 5.79 कोटी रुपयांना विकली गेली. 2020 मध्ये ऑस्ट्रेलियातील जंगलातील आगीमुळे झालेल्या नुकसानग्रस्तांना मदत करण्यासाठी वॉर्नने ही कॅप लिलावात ठेवली होती.

सर डोनाल्ड ब्रॅडमनची डेब्यू कॅप (2.59 कोटी रुपये) : क्रिकेट इतिहासातील सर्वश्रेष्ठ फलंदाजांपैकी एक मानले जाणारे सर डोनाल्ड ब्रॅडमन यांनी 1928-29 मध्ये इंग्लंडविरुद्ध पहिल्या कसोटीत जी कॅप परिधान केली होती. ही कॅप लिलावात 2.59 कोटी रुपयांना विकली गेली.

हेही वाचा – Manoj Tiwary : ब्रोंको टेस्ट म्हणजे रोहितला संघातून बाहेर काढण्याचा डाव? मनोज तिवारीचा खळबळजनक दावा!

सर डोनाल्ड ब्रॅडमनची बॅगी ग्रीन (2.52 कोटी रुपये) : नॅशनल म्युझियम ऑफ ऑस्ट्रेलियाने ब्रॅडमन यांची 1946-47 च्या ऍशेस मालिकेतील बॅगी ग्रीन कॅप 2.52 कोटी रुपयांना खरेदी केली. या मालिकेत ब्रॅडमन यांनी 97.14 च्या सरासरीने 680 धावा केल्या होत्या.

सर डोनाल्ड ब्रॅडमनची शेवटच्या दौऱ्याची कॅप (2.02 कोटी रुपये) : 1948 मध्ये इंग्लंडविरुद्ध ब्रॅडमन यांनी त्यांचा अखेरचा दौरा खेळला. या कसोटीत त्यांना 100 चा कसोटी सरासरी पूर्ण करण्यासाठी फक्त चार धावांची गरज होती, पण ते शून्यावर बाद झाले. त्यांची ही कॅप 2003 मध्ये 2.02 कोटी रुपयांना विकली गेली.

गॅरी सोबर्सची सहा षटकारांची बॅट (64.43 लाख रुपये) : वेस्ट इंडिजचा दिग्गज अष्टपैलू गॅरी सोबर्स यांनी 1968 मध्ये प्रथम श्रेणी सामन्यात मॅल्कम वॉल्शच्या एका षटकात सहा षटकार मारले होते. त्यांची बॅट 2000 मध्ये 64.43 लाख रुपयांना विकली गेली.

हेही वाचा – Danish Malewar : कोण आहे दानिश मालेवार? ज्याने दुलीप ट्रॉफीत द्विशतक झळकावत रचला इतिहास

गॅरी सोबर्सच्या 365 धावांच्या खेळीची बॅट (56.75 लाख रुपये) : 1958 मध्ये पाकिस्तानविरुद्ध गॅरी सोबर्स यांनी 365 धावांची ऐतिहासिक खेळी केली, जी 36 वर्षे कसोटीतील सर्वोच्च वैयक्तिक धावसंख्या होती. त्यांची बॅट 2000 मध्ये 56.75 लाख रुपयांना विकली गेली.

विजडन अल्मनॅक संग्रह (99.75 लाख रुपये) : क्रिकेटचे बायबल म्हणून ओळखले जाणारे विजडन अल्मनॅकचे 1864 ते 2007 पर्यंतचे पहिले 144 अंक 2008 मध्ये 99.75 लाख रुपयांना विकले गेले. या पुस्तकांमध्ये क्रिकेटमधील बदलांची विस्तृत माहिती आहे.