Nana Patekar Death Sunil Gavaskar Emotional Tribute Post : ज्येष्ठ अभिनेते नाना पाटेकर (Nana Patekar) यांनी वयाच्या ७५ व्या वर्षी जगाचा निरोप घेतला. त्यांच्या निधनाने केवळ हिंदी आणि मराठी चित्रपटसृष्टीवरच नव्हे, तर अवघ्या सांस्कृतिक आणि क्रीडाविश्वावर शोककळा पसरली आहे. नानांचे विविध क्षेत्रांतील दिग्गजांशी अत्यंत घट्ट आणि मैत्रीपूर्ण संबंध होते. भारतीय क्रिकेटचे दिग्गज सुनील गावस्कर (Sunil Gavaskar) यांना नाना आपले आदर्श मानत असत. लाडक्या मित्राच्या निधनानंतर सुनील गावस्करांनी नानांसोबतचे काही अप्रतिम फोटो शेअर करत अत्यंत भावूक शब्दांत आपल्या भावना व्यक्त केल्या आहेत.

“माझा नाना फ्रॉम पुना देवाघरी गेला”; गावस्करांची हृदयस्पर्शी पोस्ट!

सुनील गावस्करांनी नानांना मिठी मारतानाचे आणि मनमोकळे हास्य करतानाचे दोन फोटो शेअर करत लिहिले, “हृदय पिळवटून टाकणारी बातमी… माझा ‘नाना फ्रॉम पुना’ आता आपल्याला सोडून देवाघरी गेला. त्यांची खूप आठवण येईल. त्यांच्या त्या प्रेमळ रागावण्याची, आपुलकीने ओरडण्याची आणि त्यांच्या अपार मायेची पोकळी कायम जाणवत राहील.”

क्रिकेटचे अफाट वेड; सचिन महान पण गावस्कर आमचे हिरो!

 

View this post on Instagram

 

नाना पाटेकरांना क्रिकेटचे प्रचंड वेड होते. अनेक मुलाखतींमध्ये त्यांनी स्वतःचा उल्लेख क्रिकेटवेडा माणूस असा केला होता. “सचिन तेंडुलकर नक्कीच महान फलंदाज आहे, पण आमचा खरा हिरो सुनील गावस्करच!” असे नाना नेहमी अभिमानाने सांगत असत. गावस्करांच्या फलंदाजीतील अप्रतिम तंत्र आणि जिद्दीचे नानांना विशेष कौतुक होते.

हेही वाचा – Bhuvneshwar Kumar Comeback : “भुवनेश्वरच्या कमबॅकने बाकीच्या खेळाडूंना प्रेरणा मिळेल…”, भारताच्या माजी खेळाडूच वक्तव्य

“एकाग्रता म्हणजे काय, हे सुनीलने शिकवले”; आदर्श मित्राला अखेरचा निरोप!

नाना पाटेकरांनी गावस्करांसोबतचा एक फोटो शेअर करताना ‘मी आणि माझा आदर्श’ असे म्हटले होते. एका मुलाखतीत नानांनी सांगितले होते की, खेळात आणि आयुष्यात एकाग्र कसे राहावे, हे मला सुनीलकडून शिकायला मिळाले. आता आपल्या त्याच लाडक्या मित्राच्या जाण्याने गावस्कर पूर्णपणे हेलावून गेले असून, त्यांनी नानांना भावपूर्ण श्रद्धांजली वाहिली आहे.