MLC Election : महाराष्ट्र विधान परिषद निवडणुकीसाठी काँग्रेसने आपल्या उमेदवारांची नावे जाहीर केली आहेत. नागपूर विभाग पदवीधर मतदारसंघातून विद्यमान आमदार अभिजीत वंजारी, तर पुणे विभाग शिक्षक मतदारसंघातून विद्यमान आमदार जयंत आसगावकर यांना पुन्हा संधी देण्यात आली आहे. (MLC Election)

अमरावती विभाग शिक्षक मतदारसंघासाठी आदिती पोहरे यांच्या नावाची घोषणा करण्यात आली आहे. आदिती पोहरे यांनी नुकताच काँग्रेसमध्ये प्रवेश केला आहे. (MLC Election)

राज्यात विधान परिषदेच्या पदवीधर आणि शिक्षक मतदारसंघातील पाच जागांसाठी निवडणूक होत आहे. यामध्ये औरंगाबाद, पुणे आणि नागपूर विभागातील तीन पदवीधर, तर अमरावती आणि पुणे विभागातील दोन शिक्षक मतदारसंघांचा समावेश आहे. मतदान २३ ऑक्टोबरला होणार असून २७ ऑक्टोबरला मतमोजणी होणार आहे. (MLC Election)

काँग्रेसचे उमेदवार

नागपूर विभाग पदवीधर – अभिजीत वंजारी
पुणे विभाग शिक्षक – जयंत आसगावकर
अमरावती विभाग शिक्षक – आदिती पोहरे

निवडणूक कार्यक्रम

उमेदवारी अर्ज दाखल करण्याची अंतिम तारीख ६ ऑक्टोबर असून ७ ऑक्टोबरला अर्जांची छाननी होणार आहे. उमेदवारी अर्ज मागे घेण्याची अंतिम तारीख ९ ऑक्टोबर आहे. २३ ऑक्टोबरला मतदान आणि २७ ऑक्टोबरला मतमोजणी होईल. (MLC Election)

MLC Election : काॅंग्रेसचा पहिला उमेदवार ठरला! पक्षप्रवेश होताच मोठी घोषणा; अदिती पोहरे यांना शिक्षक मतदारसंघातून उमेदवारी